Inder aýdanyndaǵy Kóktoǵaı aýylynyń turǵyny bar ashýyn kórshisiniń ıtinen alyp, aqyry opyq jep otyr, - dep habarlaıdy Egemen.kz
Oblystyq polısııa departamenti baspasóz qyzmetiniń habarlaýynsha, keshe qatygez turǵyn kórshiniń ıtin aýyl sharýashylyǵy quralymen aıaýsyz urǵan. Aýyr soqqydan jeti qazynanyń birine balanǵan ıt ólip qaldy.
Aýdandyq polısııa bóliminiń qyzmetkerleri osy oqıǵanyń jaǵymsyz keıipkerine aınalǵan qylmystyq quqyq buzýshyny ustady. Úı janýaryna qatygezdik tanytyp, ólimine sebepshi bolǵan turǵyn ýaqytsha oqshaýlaý ornyna qamaýǵa alyndy. Endi polıseıler jınaqtalǵan is-qujattardy qysqa merzimde sotqa joldaýǵa bekinip otyr.