Qazaqstannyń Jenevadaǵy BUU bólimshesi janyndaǵy Turaqty ókili Janar Aıtjanova BUU-nyń Adam quqyqtary jónindegi Joǵarǵy Komıssary Mıshel Bacheletpen onlaın formatta kezdesý ótkizdi, - dep habarlaıdy Egemen.kz
SIM baspasóz qyzmetiniń málimetinshe, taraptar Qazaqstan Prezıdentiniń saıası reformalardy iske asyrýyn talqylady.
M.Bachelet elimizdegi beıbit jınalystar, Saıası partııalar salasyndaǵy, sondaı-aq jala jabýdy dekrımınalızasııalaýǵa qatysty saıası reformalaryn atap ótti. Onyń aıtýynsha, bul reformalar bizdiń elimiz BUU-ǵa múshe elderdiń ámbebap kezeńdik sholýdyń úshinshi sıkli barysynda usynymdaryna shyndap qaraıtynyn jáne olardy ýaqtyly júzege asyrý boıynsha jumys isteıtinin kýálandyrady.
О́z kezeginde, Turaqty ókil 2020 jyldyń aqpan aıynda BUU Adam quqyqtary jónindegi keńesiniń 43-shi sessııasy barysynda Qazaqstanda júrgizilgen reformalarǵa oń baǵa bergeni úshin, sondaı-aq Joǵarǵy Komıssar Keńsesiniń jaqynda jarııalaǵan 2019 jylǵy baıandamasynda kórsetilgen jobalar men trenıngterdi iske asyrý arqyly kórsetiletin kómek úshin Joǵarǵy komıssarǵa alǵysyn bildirdi.
Prezıdent Qasym-Jomart Toqaevtyń saıası básekelestik pen plıýralızmniń kóppartııalyq júıesin damytýǵa, sondaı-aq Qazaqstandaǵy konstıtýsııalyq zań deńgeıinde alǵash ret usynylatyn parlamenttik oppozısııa tujyrymdamasyn ilgeriletýge baǵyttalǵan bastamasyna nazar aýdaryldy.
Joǵarǵy Komıssar, sondaı-aq memlekettiń azamattyq qoǵammen qarym-qatynasyn nyǵaıtý maqsatynda Qazaqstannyń júrgizip otyrǵan jumysymen tanysty.
Kezdesý sońynda QR Turaqty ókili Qazaqstan men BUU arasyndaǵy yntymaqtastyǵy sharttyq organdar, arnaıy rásimder jáne Uıymnyń basqa da tetikteri arqyly ashyq jáne konstrýktıvti dıalog arqyly iske asyrylýynyń mańyzdylyǵyn atap ótti. Sonymen birge, ol BUU-nyń sharttyq organdar júıesin onyń tıimdiligin arttyrý jáne ońtaılandyrý jónindegi reformalar bastamasyn qoldaıtyndyǵyn bildirdi.