Sátbaev qalasynda bala urlady degen kúdikti qolǵa tústi, – dep habarlaıdy Polisia.kz.
23 shilde kúni saǵat 21.00-de Jezqazǵan qalasynyń turǵyny Sátbaev q. PB habarlasyp, 5 jasar qyzynyń joǵalyp ketkenin habarlady. Sátbaev qalasynyń polısııa bóliminiń jeke quramy men eriktiler qatysqan izdestirý sharalarynyń nátıjesinde bala kópqabatty úıdegi páterlerdiń birinen tabyldy.
Bala qazir aýrýhanada dárigerlerdiń baqylaýynda. Kúdikti qamaýǵa alyndy. Alaıda ondaǵan adam ony óz qoldaryna tapsyrýdy talap etti. Tártipsizdikke jol bermeý úshin quqyq qorǵaý organynyń kúshteri jumyldyryldy. Qaraǵandy oblysynyń polısııa basqarmasy qoǵamdyq tártipti jáne qala turǵyndarynyń qaýipsizdigin qamtamasyz etý úshin barlyq qajetti sharany qabyldap jatyr.