Qostanaılyq model qyz Chıra Kovalskı Altaı taýy jotasyndaǵy «qasıetti aǵash» janynda jalańash sýretke túsip, din basylarynyń qarǵysyna ushyrady. Bul týraly Tengrinews.kz habarlady.
Osy kóriniske baılanysty Altaı respýblıkasynyń Mádenıet mınıstri Vladımır Konchev ózderiniń jergilikti prokýratýrasyna málimdeme joldap, model qyzdyń áreketin tekserýge usynys jasady. Bul eldiń zańyna sáıkes, mundaı zań buzýshylyq iske 300 myń rýbl kóleminde aıyppul salynady nemese 1 jyl bas bostandyǵynan aıyrady eken.
Bul máselege oraı Ch. Kovalskı Tengrinews.kz portalyna suhbat bergen kezinde bylaı dedi: «Bizge jol siltegen uıymdastyrýshydan Altaı taýy jotasyndaǵy aǵashqa lentalardyń ne sebepti ilingenin suradyq. Ol sol kezde kelgen týrısterdiń baılap ketkenin aıtqan edi. Sondyqtan qasıetti oryndy aıǵaqtaıtyn jazýy bar belgiler ornatylýy tıis».
Sóziniń sońynda model qyz Altaı óńiriniń jergilikti turǵyndarynan jáne din basylarynan keshirim suraýǵa daıyn ekenin málimdedi.
Baqytbek Keneshuly.