Búgin Qazaqstannyń basym bóliginde jaýyn-shashynsyz aýa raıy saqtalady, - dep habarlaıdy Egemen.kz.
Sınoptıkterdiń habarlaýynsha, eldiń tek ońtústiginde naızaǵaı oınap, jańbyr jaýady. Respýblıkanyń keı jerlerinde jel kúsheıedi, ońtústikte – daýyl, naızaǵaı, tuman kútiledi.
Jambyl oblysynyń keı jerlerinde jel 15-20 m/s kúsheıedi, kúndiz naızaǵaı, daýyl kútiledi. Túnde jáne tańerteń tuman boljanady.
Kúndiz Túrkistan, Qyzylorda, Soltústik Qazaqstan, Qaraǵandy oblystarynyń keı jerlerinde jel 15-20 m/s artady.
Túrkistan oblysynda naızaǵaı kútiledi. Atyraý, Aqtóbe oblystarynyń, Qaraǵandy oblysynyń ońtústiginde qatty ystyq kútiledi.
Qyzylorda, Atyraý oblystarynyń basym bóliginde, Almaty oblysynyń soltústik-batysynda, Túrkistan oblysynyń shyǵysynda, Batys Qazaqstan oblysynyń ońtústiginde, Qaraǵandy oblysynyń batysynda tótenshe órt qaýpi saqtalady.