Shekaradaǵy keptelisti sheshý joldaryn usyndy

Pandemııaǵa baılanysty shekteý sharalaryna oraı atalǵan beket ornalasqan Qazaqstan-Qytaı shekarasynda uzyndyǵy 50 shaqy­rymǵa sozylǵan, sany 2500-den asatyn avtokólik quraldary­nyń úlken kezegi paıda boldy. Fýralar 2,5 aıdan astam ýaqyt boıy tur.

KTZ Express ulttyq mýltı­modaldyq logıstıkalyq operatory jınalyp qalǵan júk fýralaryn Qytaıdan Qazaqstanǵa «KTZE – Khorgos Gateway» Qur­ǵaq porty aýmaǵyna temir jol­men jetkizýdiń tıimdi she­shi­min usy­nyp otyr. KTZ Express paı­da­lanatyn Qurǵaq port aýma­ǵynda qurylǵan zamanaýı kólik-logıstıkalyq ınfra­qurylym júk avtomobılderin kontreılerge artýǵa jáne Qorǵas stansasyna jóneltýge shamasy bar úzdiksiz kontreılerlik tasymaldardy júzege asyrýǵa múmkindik beredi.

Qurǵaq port termınalynan tıelgen quramdardy qabyldap alý úshin Qorǵas stansasynda (QHR) avtomobılderdi júkteý júrgiziledi. Odan ári júkterdi jeńildetilgen tártipte kedendik rásimdeýden ótkizgennen keıin, Qazaqstan qalalary boıynsha jóneltý oryn alady.

Kontreıler – júkterdiń bi­­rik­tirilgen tasymaly – avto­mobıldi-sýlyq, avtomobıldi-te­­­mir­­joldyq nemese aralas av­­to­­­mo­bıldi-temirjoldyq-sý­lyq­­­­qa arnalǵan avtomobıldik dóń­­ge­lek­termen jabdyqtalǵan kon­­teı­ner ekenin qaperge salamyz. Budan basqa, Qurǵaq port aýma­ǵynda kún saıyn tar tabanmen ári qaraı avtofýralarǵa artyp jáne júk alýshylarǵa deıin jetkiziletin jabyq vagondardy qabyldaý júrgiziledi. Qurǵaq port termınalynyń tehnıkalyq qýaty aı saıyn 1200 jabyq vagon óńdeýge múmkindik beredi, son­daı-aq aıyna 2400 avtomobılge deıin qaıta tıeýdi júrgize alady. Sonymen 2020 jyldyń tek shildesinde 1434 mm taban boıynsha 325 jabyq vagon qaıta tıeldi.

KTZ Express Qazaqstannyń iri qalalary men ártúrli elderin­degi ókildikterinde keń agenttik jelileri jáne de kompanııanyń qural-jabdyqtary men servıs­teri Qytaıdyń barlyq iri pro­vın­sııalarynda bar. KTZ Express klıentteri sapaly servıs pen tasymalǵa neǵurlym ońtaı­ly stavkalardy usynatyn, senim­dilik, júkterdi jetkizýdiń joǵary jyldamdyǵyn baǵalaıdy.