2021 jyly Biryńǵaı jınaqtaýshy zeınetaqy qorynyń 700 myń salymshysy óz jınaǵynyń bóligin úı alý, emdelý úshin paıdalana alady nemese qarjy uıymdarynyń basqarýyna bere alady. Bul týraly Memleket basshysy Qasym-Jomart Toqaev Parlament palatalarynyń birlesken otyrysyndaǵy Qazaqstan halqyna joldaýynda aıtty, - dep habarlaıdy Egemen.kz
"Meniń tapsyrmamnyń aıasynda turǵyndar zeınetaqy jınaqtarynyń bóligin paıdalaný máselesi qarastyryldy. Bul - qazir óte ózekti. 2021 jyly Biryńǵaı jınaqtaýshy zeınetaqy qorynyń 700 myń salymshysy óz jınaǵynyń bóligin úı alý, emdelý úshin paıdalana alady nemese qarjy uıymdarynyń basqarýyna bere alady. Úkimetke Ulttyq bankpen birlese jyl sońyna deıin tıisti normatıvtik-quqyqtyq aktilerdi qabyldaýdy jáne daıyndyq jumystaryn júrgizýdi tapsyramyn. Bul reforma turǵyndarǵa zeınetaqy jınaǵyna aqsha salýǵa stımýl bolady. Turǵyn úı máselelerin ózdiginen sheshýge tabysy jetpeıtin azamattarǵa áleýmettik qoldaý kórsetiledi", dedi Prezıdent joldaýynda.