Qazaqstan Qarýly Kúshterinde avıasııa baǵyttaýshylarynyń jıyny ótti. Ol Almaty oblysyndaǵy «Qazaqstan» polıgonynda uıymdastyryldy. Jıynǵa Qazaqstan Qarýly Kúshteri «Ońtústik» óńirlik qolbasshylyǵynyń, Aeroutqyr áskerleriniń áskerı qyzmetshileri tartyldy.
Qazaqstan Qarýly Kúshterinde avıasııa baǵyttaýshylarynyń jıyny ótti. Ol Almaty oblysyndaǵy «Qazaqstan» polıgonynda uıymdastyryldy. Jıynǵa Qazaqstan Qarýly Kúshteri «Ońtústik» óńirlik qolbasshylyǵynyń, Aeroutqyr áskerleriniń áskerı qyzmetshileri tartyldy.
Jattyǵý jıynyna qatysýshylar bir aı boıy jaýyngerlik mindetterdi oryndaý kezindegi avıasııalyq tehnıkany basqarýdyń teorııalyq jáne praktıkalyq máselelerin pysyqtady. Qazirgi ýaqytta Qazaqstan armııasy urys júrgizýdi uıymdastyrýdyń aldyńǵy qatarly tehnologııalary men ádisterin, sondaı-aq jerústi nysanalaryna jaýyngerlik avıasııany baǵyttaýdy qoldanyp keledi. Qazirgi zamanǵy urysta avıasııa baǵyttaýshylarynyń róli nysanaǵa deıingi qashyqtyqty jáne avıazııalyq zaqymdaý quraldaryn qoldaný tásilderin túzetýge kelip tireledi. Jerústi áskerleriniń quramyndaǵy avıasııa baǵyttaýshylary koordınatalardy kórsetip, jergilikti jerlerden baǵdar beredi. Avıabaǵyttaýshylardyń nusqaýy boıynsha jaýyngerlik ushaqtar men tikushaqtar avıasııalyq zaqymdaý quraldaryn qoldanady.
Qazaqstan Qarýly Kúshteriniń avıasııa baǵyttaýshylary derekterdi alý men taldaýǵa mashyqtaný deńgeıin jetildirip, jumys kartasynda koordınatalardy anyqtaý, jergilikti jerdi baǵdarlaý jáne zaqymdaý quraldarynyń túrlerin tańdaý tásilderin zerdeleıdi. Olar, sonymen qatar, áýe jáne jerústi operasııalaryn ótkizý kezinde derekterdi dálme-dál jetkizý sheberligin shyńdaýy tıis.
Kýrstyq daıarlyqtyń sońynda jattyǵý jıynyna qatysýshylarǵa «Aldyńǵy sheptegi avıasııa baǵyttaýshysy» mamandyǵy boıynsha tolyq daıarlyq kýrsynan ótkenderi týraly kýálik tabys etildi.
«Egemen-aqparat».