*Grýzııanyń Ortalyq saılaý komıssııasy prezıdenttik saılaýdyń qorytyndysyn shyǵardy. Bıýlletender 100 paıyz eseptelgen soń «Grýzııa armany» bıleýshi koalısııasynan kandıdat Georgıı Margvelashvılıdiń 62,11 paıyz daýys alǵany belgili boldy. Oǵan 1 mıllıon 12 myń 214 adam óz daýystaryn beripti.
*Qytaı basshylyǵy Pekındegi Tıananmen alańynda bolǵan avtomobıl apatyn lańkestik dep qabyldap otyr.
*Grýzııanyń Ortalyq saılaý komıssııasy prezıdenttik saılaýdyń qorytyndysyn shyǵardy. Bıýlletender 100 paıyz eseptelgen soń «Grýzııa armany» bıleýshi koalısııasynan kandıdat Georgıı Margvelashvılıdiń 62,11 paıyz daýys alǵany belgili boldy. Oǵan 1 mıllıon 12 myń 214 adam óz daýystaryn beripti.
*Qytaı basshylyǵy Pekındegi Tıananmen alańynda bolǵan avtomobıl apatyn lańkestik dep qabyldap otyr.Oqıǵa saldarynan kólik ishindegi 3 jankeshtini qosqanda, 5 adam qaza tapsa, 38-i jaraqat alǵan edi. Bıliktegiler lańkestikke qatysy bar degen kúdikpen Shyńjań-Uıǵyr avtonomııaly raıonynyń eki turǵynyna izdeý jarııalaǵan.
*Saýd Arabııasynyń Joǵarǵy múftıi Abdýl Azız ál Sheıh sóz sóılep, onda jas otandastaryna Sırııadaǵy soǵysqa barýǵa asyqpaýǵa aqyl-keńes bergen. Múftıdiń sózine qaraǵanda, soǵys is-qımyldaryna qatysý jıhad jolyn tańdaǵandar úshin mindetti bolyp tabylmaıdy.
*Reseı lıberal-demokratııalyq partııasynyń serkesi Vladımır Jırınovskıı «atyń shyqpasa, jer órte» áreketin taǵy qaıtalady. Ol «Jekpe-jek» baǵdarlamasynda «Soltústik Kavkazdy tikenek symmen qorshap tastaý kerek» dep málimdedi. Sondaı-aq, Kavkaz respýblıkalarynda úshinshi bala úshin aıyppul engizip, turǵyndar ósimin qysqartý qajettigin talap etti. Memdýmanyń komıtet tóraǵasy Gadjımet Safaralıev bas prokýror Iýrıı Chaıkadan ospadar depýtattyń málimdemesin tekserýdi ótinip otyr.
*Latvııanyń Ventspıls, Kýldıgý jáne Talsı qalalary surapyl daýyl saldarynan tolyqtaı elektr jaryǵynsyz qaldy. Qalalarda janarmaı quıý stansalary jumys istemeıdi. Elektr jaryǵy turǵyn úıler men mekemelerde atymen joq. Aýrýhanalar men basqa da strategııalyq nysandar generatorlarmen jumys istep tur. Atalǵan qalalarǵa qýat qashan beriletini beımálim.
*«Tájikstan temir joly» Reseı jaǵynan Voronej oblysynyń Ternovka stansasyndaǵy temir jol boıynda «Máskeý – Dýshanbe» baǵytyndaǵy poıyzǵa jasalǵan shabýyldan kelgen shyǵynnyń ornyn toltyrýdy talap etip otyr. Mundaı oqıǵa buryn-sońdy oryn alyp kórmese, ony sońǵy kezdegi Reseıdegi antımıgranttyq kóńil-kúıdiń kúsheıýimen baılanystyrýǵa bolatyndaı.
*Mysyrdyń kýng-fýdan chempıony Mohammed Iýsef eldiń burynǵy prezıdenti Mohammed Mýrsıdi qoldaǵany úshin altyn medalinen aıyrylyp qaldy. Buǵan qosa, bılik basyndaǵylar sportshyǵa álemdik arenada óz eliniń namysyn qorǵaýǵa tyıym saldy. Dıskvalıfıkasııanyń qansha ýaqytqa sozylatyny týraly málimet joq.
*Halyqaralyq fýtbol federasııasy (FIFA) óziniń resmı saıtynda álemniń eń úzdik oıynshysyna beriletin «Altyn dop» syılyǵynan úmitker 23 fýtbolshynyń tizimin jarııalady. Olardyń qatarynda atalǵan dopty tórt márte alǵan L.Messı, sondaı-aq E.Azar. G.Beıl, Z.Ibragımovıch, A.Inesta F.Lam, R.Levandovskıı, R. van Persı, K.Ronaldý, t.b. bar.
Aqparat agenttikteri materıaldarynyń negizinde ázirlendi.