Fýtboldan Qazaqstan ulttyq quramasynyń oıynshysy Baýyrjan Islamhan Azııa chempıondar lıgasynda gol soqty.
Jerlesimiz óner kórsetetin BAÁ-niń «Al Aın» komandasy Azııa chempıondar lıgasynyń toptyq kezeńiniń úshinshi týrynda qatarlyq «Al Saddpen» kezdesip, 3:3 esebimen teń tarqasty.
Esepti birinshi bolyp alań ıeleri ashty. Oıynnyń 5 mınýtynda Togo quramasynyń oıynshysy Labanyń qanjyǵasy maılansa, araǵa 30 mınýt salyp qonaqtar sapynda Akram Afıf kózge túsip, esepti teńestirip ketti.
Kezdesýdiń 38-mınýtynda ámirlik komandasy alǵa shyqty. Islamhan aıyp alańynyń syrtynan joıqyn soqqy jasap, chempıondar lıgasyndaǵy eń ádemi goldardyń birin soqty. Bul keshke qonaqtar sapynda Kasorla (55-mınýt) men Býnedjah (60-mınýt) mergendik tanytsa, Hoýhı («Al Sadd») avtogoldyń avtory atandy.