Fransııa tasjoldarynda úsh aptaǵa sozylǵan veloshabandozdardyń beıresmı álem chempıonaty sanalatyn «Týr de Frans» velokópkúndigi óz máresine jetti. Dodaǵa Qazaqstannyń «Astana» velokomandasy da qatysty.
Jyl saıyn úzdikter qatarynan kórinetin «Astana» komandasy bıylǵy básekede júldeli orynǵa synyq súıem qalǵanda súrindi. «Týr de Frans» básekesine kapıtan retinde «Astana» veloshabandozdaryn bastap barǵan kolýmbııalyq sportshy Mıgel Anhel Lopes jarystyń sońǵy kúnderine deıin úshinshi orynda kele jatqan bolatyn. 20-kezeńdegi jekeleı básekede sátsiz óner kórsetip, úzdik úshtiktiń qatarynan shyǵyp qaldy.
Dese de «Astana» veloshabandozdary eki márte jeńimpazy atandy. Jarystyń altynshy kezeńinde velosporttan Qazaqstan chempıony Alekseı Lýsenko úzdik atansa, 17-kezeńinde Mıgel Anhel Lopes máre syzyǵyn birinshi bolyp kesti.