Qazaqstannyń Qarjy mınıstri bolyp Baqyt Sultanov taǵaıyndaldy. Bul týraly Aqorda saıtyna silteme jasaı otyryp Egemennews.kz tilshisi habarlady.
«Sultanov Baqyt Turlyhanuly Qazaqstan Respýblıkasy Prezıdenti Ákimlishigi jetekshisiniń orynbasary laýazymynan bosatylyp, Qazaqstan Respýblıkasy Premer-Mınıstriniń orynbasary – Qazaqstan Respýblıkasynyń Qarjy mınıstri bolyp taǵaıyndalsyn», - delingen Memleket basshysynyń resmı saıtynda jarııalanǵan Jarlyqta.
Qarjy mınıstri laýazymyn bir aptasy kem 6 jyl atqarǵan Bolat Jámishev Prezıdenttiń Jarlyǵymen Qazaqstan Respýblıkasynyń О́ńirlik damý mınıstri bolyp taǵaıyndaldy. «Jámishev Bolat Bıdahmetuly Qazaqstan Respýblıkasynyń Qarjy mınıstri laýazymynan bosatylyp, Qazaqstan Respýblıkasynyń О́ńirlik damý mınıstri bolyp taǵaıyndalsyn», - delingen osyǵan oraı berilgen Jarlyqta.
Baqyt Sultanov 2003 jylǵy maýsymnan 2006 jylǵy aqpanǵa deıin Ekonomıka jáne bıýdjettik josparlaý vıse-mınıstri boldy. Sosyn Statıstıka jónindegi agenttiktiń tóraǵasy qyzmetin atqardy. 2007 jylǵy qańtardan 2007 jylǵy tamyzǵa deıin Qarjy vıse-mınıstri bolyp istedi, al 2007 jylǵy 10 tamyzda Ekonomıka jáne bıýdjettik josparlaý mınıstri bolyp bekitildi. Ol Memleket basshysynyń Jarlyǵymen 2010 jyldan Qazaqstan Prezıdentiniń kómekshisi bolyp taǵaıyndaldy. Al 2012 jylǵy 21 qańtarda Nursultan Nazarbaev Baqyt Sultanovty Qazaqstan Prezıdenti Ákimshiligi basshysynyń orynbasary laýazymyna taǵaıyndaý týraly Jarlyqqa qol qoıdy.