Katolıktik jáne protestanttyq shirkeýler jáne afroamerıkalyq zańgerler úzildi-kesildi qarsy bolǵanymen, AQSh-tyń Illınoıs shtatynda bir jynystylardyń nekege turýyna zańdyq negizde ruqsat berildi. Bul týraly Baltinfo aqparattyq agenttigi habarlady.
Illınoıs shtaty Bas assambleıasynyń tómengi palatasynda geılerge jáne lesbııandarǵa bir-birimen nekege otyrýǵa ruqsat berýdi kózdeıtin zań jobasy daýysqa túsip, nátıjesinde atalǵan qujattyń «joly boldy».
Bul zańdy palata ókilderiniń 61-i qoldaǵan, al 54-i qarsy daýys bergen.
Endi bul qujat Illınoıs shtatynyń gýbernatory Patrık Kýınnǵa qol qoıý úshin jiberiledi.
Saıası mansabyn osy óńirden bastaǵan AQSh prezıdenti Barak Obama Illınoıs shtaty Bas assambleıasynyń minberinde bir jynystylarǵa «batasyn berdi». Ol óz sózinde: «Men prezıdent retinde geıler men lesbııandardyń osyndaı ádildik pen teńdikke qol jetkizýleri tıis dep esepteımin. Árqashan osylaı oılap keldim. Bir jynystylar da ózara úılený quqyǵyna ıe bolýlary kerek. Bir jynystylardyń nekege otyrýy endi zańdyq turǵyda qorǵalatynyna áıelim Mıshel ekeýmiz qýanamyz», – dedi.
Osylaısha AQSh geıler men lesbııandardyń «kóńilin aýlaǵan» elderdiń qataryna qosyldy. Búginge deıin bir jynystylardyń nekelesýine 14 el zań júzinde ruqsat bergen bolatyn.
Joldybaı Bazar.