Soltústik Qazaqstan oblysynda qus tumaýynyń shyǵýy sebepti ákimdiktiń 23 qyrkúıektegi № 255 qaýlysymen 8 aýdannyń 18 eldi mekeninde karantın engizildi, dep habarlaıdy Egemen.kz.
25 qyrkúıektegi jaǵdaıǵa qaraǵanda Soltústik Qazaqstan oblysynyń 11 aýdanyndaǵy 39 eldi mekeninde 164 175 ártúrli bas úı qustarynyń qyrylyp qalýy tirkeldi sonymen qatar jeke aýlalarda 14 384 bas ólimi tirkeldi, dep jarııalady epızootııalyq jaǵdaı boıynsha jýrnalısterge baıandaǵan Aýylsharýashylyǵy mınıstrligi Veterınarlyq baqylaý jáne baıqaý komıtetiniń Soltústik Qazaqstan oblystyq aýmaqtyq ınspeksııasynyń basshysy Marat Ybyraev.
Ol árbir qus ósirý sharýashylyqtaryndaǵy jaǵdaılarǵa da toqtaldy. Sonyń ishinde «Adel qus» JShS, «Petropavl broıler ptısefabrıkasy» JShS, «Esil» QF JShS, «PSH» JShS, «Iаkor qusfabrıkasy» JShS-da jaqsy dengeıde qorǵanysty qamtamasyz etý arqasynda jaǵdaılary qanaǵattanarlyq ekenin jetkizdi. Qus bastaryna vaksınasııa egilýde, barlyq bıologııalyq qamtamasyz etý sharalary qoldanylýda. Kásiporyndardyń bári jabyq rejimde jumys isteıdi.
Barlyq karantın pýnktterinde karantındik beketter qoıyldy, epızootııalyq oshaqtardy oqshaýlaý uıymdastyryldy jáne qamtamasyz etildi, dedi ol. «2020 jylǵy 24 qyrkúıekte Qazaqstan Respýblıkasynyń Bas memlekettik veterınarııalyq-sanıtarııalyq ınspektorynyń aýrý kózderi bolyp tabylatyn qustardy alyp qoıý jáne joıý týraly qaýlysy shyqty. Búgingi kúni osy jumystar barlyq karantın pýnktterinde bastaldy», dedi M.Ybyraev.
Oblys aýmaǵynda qus tumaýyn joıý úshin kelesi kólemde quraldar men kúshter qatystyrylǵan:
Respýblıkalyq epızootııaǵa qarsy otrıad – 9 birlik tehnıkalar, sonymen qatar bir ınsenerator. Qosymsha veterınarlyq stansııalarǵa 7 ınsenerator berý qarastyrylýda. Aýrýdy joıý kezindegi is-sharalardy úılestirý jónindegi jedel shtab qurylǵan. Barlyq múddeli qyzmetter men vedomstvolardyń ózara áreketi uıymdastyryldy. Infeksııa oshaǵynan 20 km radıýstaǵy jeke aýlalarda úı qustaryna vaksına egilip jatyr. Búgingi tańda 85 559 bas qusqa vaksına egildi.
32 birlik arnaıy tehnıka men veterınarııalyq mamandar qatarynan 201 adamnan turatyn jeke quram jumyldyryldy. Ielerine ótemaqy tóleý úshin alyp qoıylatyn jáne joıylatyn qustardyń ortasha aılyq naryqtyq qunyn aıqyndaý jónindegi komıssııa quryldy. Buqaralyq aqparat quraldary men áleýmettik jeliler arqyly halyqqa túsindirý jumysy júrgizilip jatyr.
Qustardyń aýrýy jáne qyrylýy boıynsha kún saıynǵa monıtorıng derekteri negizinde eldi mekenderde aýrý deńgeıi turaqtalýda ekenin baıqaýǵa bolady. Atap aıtqanda M.Jumabaev aýdanynyń Chıstov aýylynda, Jambyl aýdanynyń Novorybınka aýylynda jáne taǵy basqa da aýyldarda osyndaı hal baıqalýda. Turǵyndar qus bastaryn oqshaýlaý boıynsha shekteý sharalaryn saqtaýda, oshaqtarda qustardy alyp qoıý jáne joıý boıynsha jumystar birneshe kezeńge bólindi. Birinshi kezeńde barlyq qustar klınıkalyq jaǵdaıyna qaramastan qyrylý jaǵdaıy bolǵan aýlalarda alynady. Odan keıin dezınfeksııa jumystary ótkiziledi. Eldi mekenderdegi barlyq qus bastaryn kún saıyn klınıkalyq qaraý arqyly veterınarlyq baqylaý ótkiziledi. Eger epızootııalyq jaǵdaılardyń damýy oń dınamıka kórsetse, onda osy eldi mekenderdegi qustarǵa vaksınasııa ótkiziledi, biraq karantın aıaqtalǵansha barlyq karantındik sharalar saqtalady.
«О́lgen qustardyń baǵasyna qatysty kelesini habarlaımyn. Veterınarlyq qyzmettermen tirkelgen qyrylǵan jáne alynǵan barlyq qus bastarynyń baǵasy óteledi. Qazirdiń ózinde qustary qyrylǵan aýlalardaǵy janýarlar ıeleri jeke shot ashý qajet jáne qyrylǵan qus bastary aýyldyq ákimdiktiń derekterimen salystyrylǵan anyqtama alý kerek», dedi M.Ybyraev óziniń sózinde.
Soltústik Qazaqstan oblysy