Búgingi tańda Kavasakı sındromy boıynsha jaǵdaı turaqty ekenin "Pedıatrııa jáne balalar hırýrgııasy ǵylymı ortalyǵy" AQ basqarma tóraıymy Rıza Boranbaeva aıtyp berdi, dep habarlaıly Egemen.kz
"Búginde 39 balada osy sındrom anyqtaldy, onyń ishinde balalardyń 60 paıyzy saýyǵyp, aman-esen aýrýhanadan shyqty. Al 40 paıyzy áli em-dom qabyldap jatyr. Sındromnyń klınıkalyq belgileri – dene qyzýynyń 38 gradýstan joǵary bolýy. Ol bir táýlikke nemese odan da kóp ýaqytqa sozylady, sondaı-aq deneniń bórtýi, ishtiń aýyrýy, dıareıa, tynys alý júıesiniń zaqymdanýy, jótel, tynys alý jetkiliksizdigi, entigý, júrek aýrýy, konıýnktıvıt jáne aıaqtyń isinýi sekildi belgileri paıda bolady", deıdi dáriger.
Rıza Boranbaevanyń aıtýynsha, úıde emdelýdiń tıimsiz ekenin atap ótti. Sebebi sındrom aýyr ótetinin, keıde qarqyndy reanımasııalyq kómekti qajet etetindigin eskertti.
Atalǵan belgiler baıqalsa, dereý ýchaskelik dárigerdi shaqyrý kerektigin de eske saldy.
Elimizde qansha bala Kavasakı sındromyna shaldyqqany belgili boldy
Eske sala keteıik, aǵymdaǵy jyldyń 18 qyrkúıeginde ótken OKQ onlaın brıfınginde Densaýlyq saqtaý mınıstrliginiń resmı ókili Baǵdat Qojahmetov elimizde 35 bala Kavasakı sındromyna shaldyqqanyn málimdegen edi.