Bul týraly Memleket basshysy Qasym-Jomart Toqaev Pákistan Islam Respýblıkasyna memlekettik sapar barysynda ótken Qazaqstan-Pákistan bıznes forýmy aıasynda aıtty, dep habarlaıdy Egemen.kz.
Prezıdent Qazaqstan men Pákistan Azyq-túlik qaýipsizdigi jónindegi ıslam uıymyna múshe elder retinde musylman memleketterine arnalǵan ornyqty ári ádil azyq-túlik júıesin qurý jolynda ortaq maqsatqa jumylatynyn atap ótti.
«Álemniń 70-ten asa eline aýyl sharýashylyǵy ónimderiniń 200-den astam túrin eksporttaımyz. Sońǵy on jylda aýyl sharýashylyǵy óndirisiniń jalpy ishki kólemi 2,5 eseden asa kóbeıdi», dedi Memleket basshysy.
Qazaqstan men Pákistan ǵylym jáne bilim salasyndaǵy yntymaqtastyqty keńeıtedi
Prezıdenttiń aıtýynsha, 2030 jylǵa qaraı bul kórsetkishti eki ese arttyrý kózdeledi.
«Joǵary sapaly jáne ekologııalyq taza aýyl sharýashylyǵy ónimin shyǵaratyn senimdi jetkizýshi retindegi pozısııamyzdy nyǵaıtyp kelemiz. Sol sebepti seriktestik baılanystardy keńeıtip, óńirlik ári jahandyq deńgeıde jańa jetkizý tizbegin qurý úshin júıeli qadamdar jasaımyz. Osy oraıda pákistandyq áriptesterimizdiń atalǵan sektordaǵy tájirıbesin bólisip, kapıtal quımaq nıetin quptaımyz. Jetisý oblysynda qant qyzylshasyn óńdeý zaýytyn iske qosý týraly Almoiz Group kompanııasymen jasalǵan kelisim – osy yntymaqtastyqtyń mańyzdy bastamasy», dedi Q.Toqaev.
Qazaqstan men Pákistan arasynda 200 mln dollarǵa jýyq kelisim jasaldy
Aıta keteıik, Memleket basshysy 3 aqpan kúni Pákistan Islam Respýblıkasyna memlekettik saparmen bardy. Pákistan Premer-mınıstriniń rezıdensııasynda Prezıdent Qasym-Jomart Toqaevty resmı qarsy alý rásimi ótti. Memleket basshysyn Pákistan Premer-mınıstri Shahbaz Sharıf kútip aldy. Búgin, 4 aqpanda Memleket basshysy Pákistan Premer-mınıstrimen keńeıtilgen quramda kelissóz júrgizdi.
Memleket basshysy: Pákistan – Qazaqstannyń Ońtústik Azııadaǵy senimdi ári mańyzdy seriktesi