Qazaqstanda qysta avtokólikti uzaq ýaqyt qyzdyrýǵa salynǵan ýaqytsha shekteýler ózgertilýi múmkin. Bul týraly Ishki ister mınıstriniń orynbasary Sanjar Ádilov málimdedi, dep habarlaıdy Egemen.kz.
Búgin, 6 mamyrda Májilis «Jol qaýipsizdigin sıfrlandyrý jáne júrgizýshilerdi daıarlaý salasyndaǵy kásipkerlik qyzmet máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zań jobasyn birinshi oqylymda maquldady. Talqylaý barysynda depýtat Dmıtrıı Koloda kólikti qyzdyrýǵa qatysty shekteýler máselesine nazar aýdardy.
Senat rezonans týdyrǵan janýarlarǵa qatysty zańdy Májiliske qaıtardy
«Bir jyl buryn qoǵamda kólikti qyzdyrýǵa salynatyn aıyppuldarǵa baılanysty qyzý pikirtalas bolǵan edi. Biz bul máseleni sheshýdiń túrli joldaryn usyndyq. Osy zań jobasynda eldi mekenderde qys mezgilinde avtokólikti jylytýǵa salynǵan tyıymdy tolyq alyp tastaý usynyldy. Alaıda turǵyn úı aýmaqtarynda, tıisti jol belgisi bar jerlerde shekteý saqtalady», dedi depýtat.
Sanjar Ádilov bul másele jumys toptarynda talqylanǵanyn aıtty. Vedomstvo bul tyıymdy alyp tastaý ıdeıasyn qoldaıdy.
Májilis memlekettik qyzmet týraly zań jobasynyń jańa redaksııasyn birinshi oqylymda maquldady
«Qazirgi tańda atalǵan zań jobasy aıasynda shekteýdi alyp tastaý qarastyrylyp jatyr. Iаǵnı aýa raıy jaǵdaılaryn eskere otyryp, keıbir normalar ózgertiledi. Mysaly, turǵyn úı aımaqtarynan basqa jerlerde tyıym alynyp tastalýy múmkin. Biraq zań jobasy áli ekinshi oqylymnan ótedi. Sol sebepti naqty sheshimdi tek sodan keıin ǵana aıtýǵa bolady», dedi IIM Ákimshilik polısııa komıteti zań departamenti basshysynyń orynbasary Ermek Shúlden.