«Qazgıdromet» aldaǵy mereke kúnderine arnalǵan aýa raıy boljamyn jarııalady. Sınoptıkterdiń dereginshe, mereke kúnderi eldiń basym bóliginde kún raıy jaýyn-shashyndy bolady, dep jazady Egemen.kz.
Aldaǵy eki kúnde el aýmaǵynda jańbyr jaýyp, naızaǵaı oınaıdy, keı jerlerde burshaq túsip, jeldiń ekpini kúsheıýi múmkin.
Elimizdiń basym bóliginde aýa raıyna baılanysty eskertý jarııalandy
7-9 mamyr aralyǵynda batys óńirlerde, al 8-9 mamyr kúnderi soltústik óńirlerde nóser jaýýy yqtımal. Ońtústik óńirlerde aýa temperatýrasy joǵary bolyp, ótkinshi jańbyr jaýady, naızaǵaı oınaıdy. Al shyǵys óńirlerde 9 mamyrdan bastap jańbyr men naızaǵaı bolady dep boljanǵan.
Aldaǵy úsh kúnde aýa raıy qalaı ózgeredi?
Batysta kúndiz aýa temperatýrasy +18…+28 gradýs shamasynda, soltústikte +18…+23 gradýsqa, ortalyqta +20…+28 gradýs, ońtústikte jáne ońtústik-shyǵysta +28…+33 gradýs, shyǵysta +25…+30 gradýsqa deıin joǵarylaıdy.