Qazaqstan Respýblıkasy Táýelsizdiginiń 35 jyldyǵy men Astana kúnine oraı «Baıraǵy bıik baıtaǵym» respýblıkalyq jazba aqyndar músháırasy ótedi, dep habarlaıdy Egemen.kz.
Is-sharanyń maqsaty – Táýelsiz Qazaqstannyń rýhyn, ulttyq birligi men eldik muratyn jyrlaıtyn shyǵarmalardy dáripteý, jas urpaqty otansúıgishtikke tárbıeleý jáne aqyndarǵa qoldaý kórsetý.
Músháıranyń talaptary:
Qatysýshylar: Jasy 18-den joǵary aqyndar qatysa alady. Arnaıy bilimge shekteý qoıylmaıdy. Shyǵarma baǵyty: Ár qatysýshy eki óleń usynýy tıis: biri – Azattyq taqyrybynda, ekinshisi – Astanaǵa arnalǵan (lırıka, tolǵaý, ballada jáne t.b.). Shekteýler: О́leńder buryn esh jerde jarııalanbaǵan jáne basqa baıqaýlarǵa qatyspaǵan bolýy shart. Shyǵarmalar kompıýterde 14 shrıftpen terilýi qajet.Jeńimpazdar dıplomdarmen jáne aqshalaı syılyqtarmen marapattalady:
Bas júlde – 1; I oryn – 1; II oryn – 2; III oryn – 3; Yntalandyrý syılyǵy – 5.О́tinim berý tártibi:
Shyǵarmalar 2026 jylǵy 10 maýsymǵa deıin astanapoets@gmail.com poshtasy arqyly qabyldanady. Hatta qatysýshynyń aty-jóni, qysqasha ómirbaıany, mekenjaıy jáne baılanys derekteri kórsetilýi tıis.
Qosymsha aqparat úshin baılanys telefony: +7 747 702 97 97.
Aıta keteıik, shyǵarmalardy kórsetilgen poshtaǵa jibergennen keıin kelip túskendigi nemese qabyldanǵandyǵy jaıly aqparat sizdiń poshtańyzǵa jaýap-hat retinde keledi. 24 saǵat ishinde keri baılanys bolmaǵan jaǵdaıda ǵana baılanys nómirine habarlasyp, anyqtaýyńyzǵa bolady.
Músháıraǵa qatysa otyryp, qatysýshylar uıymdastyrý komıtetine shyǵarmalardy, foto jáne beınematerıaldardy buqaralyq aqparat quraldarynda, áleýmettik jelilerde jáne aqparattyq materıaldarda paıdalanýǵa kelisim beredi.
Kásibı foto jáne beınetúsirilim uıymdastyrý komıtetiniń aldyn ala kelisimimen ǵana júzege asyrylady.