Otan qorǵaýshylar kúni qarsańynda Ulttyq statıstıka bıýrosy Qazaqstandaǵy erler sanyna qatysty jańa derekterdi jarııalady, dep habarlaıdy Egemen.kz.
Resmı málimetke sáıkes, elimizde turatyn er azamattardyń sany 10 044 673 adamdy quraıdy.
Jas ereksheligi boıynsha erlerdiń úlesi:
0-15 jas – 30,2%; 16-60 jas – 56,5%; 61 jastan joǵary – 13,3%.Er adamdar eń kóp turatyn óńirler:
Almaty – 1,1 mln; Túrkistan – 1,1 mln; Almaty – 806,5 myń; Astana – 785,4 myńQazaqstandaǵy er azamattardyń ortasha jasy – 31,1 jas, al kútiletin ómir súrý uzaqtyǵy – 72,19 jas.
2025 jylǵy derek boıynsha, jumyspen qamtylǵan halyqtyń 51,6%-yn nemese 4,8 mln er adamdy erler quraıdy. Onyń ishinde jaldamaly qyzmetkerler arasyndaǵy úlesi – 50,6%, al ózin-ózi jumyspen qamtyǵandar arasyndaǵy úlesi – 55,1%.
Salalar boıynsha jumyspen qamtylǵan erlerdiń úlesi:
О́nerkásip – 16,5% Kóterme saýda – 14% Aýyl sharýashylyǵy – 12,4% Kólik jáne qoımalaý – 11,1%Sonymen qatar er azamattar jeke kásipkerlerdiń 54,7%-yn quraıdy.
Eń kóp jumys isteıtin er adamdar 35-44 jas aralyǵynda. Bul sanatta 1,4 mln adam bar.
Aıta keteıik, bıylǵy jyldyń alǵashqy bes aıynda Qazaqstanda ul balalarǵa eń jıi qoıylǵan esim – Alan. Bul esim 817 balaǵa berilgen. Odan keıingi tanymal esimder qatarynda Aısultan, Álıhan, Muhammed jáne Ramazan bar.