О́skemen polısııasy astanadan kelip esirtki satqan erli-zaıyptylardy anyqtady, dep habarlaıdy Egemen.kz Altaynews.kz saıtyna silteme jasap.
Polısııa departamentiniń habarlaýynsha, "jeńil jolmen aqshaǵa kenelýdi oılaǵan" otbasy astanadan О́skemenge qyrkúıekte kelgen. Psıhotropty zattardy saýdalaýmen aınalysqan. Olar kólemdi psıhotropty zattardyń dozasyn shaǵyn dozaǵa bólip, jasyryn túrde satyp kelgen.
"Tintý barysynda kúdiktilerden 150 gramm psıhotropty zattar tabyldy. Bul 500 rettik dozaǵa teń. Qara naryqta tórt mıllıon teńgeden bastap satylady. Sonymen qatar dozalardy qaptaýǵa jáne ólsheýge arnalǵan qurylǵy da tabyldy", dedi Polısııa departamentiniń bastyǵy Saǵat Mádıev.
Kúdiktiler qazirgi ýaqytta ýaqytsha qamaý ızolıatorynda. Olardyń ústinen Qylmystyq kodekstiń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergeý amaldary júrgizilip jatyr. Aıyp rastalǵan jaǵdaıda 15 jylǵa deıin bas bostandyǵynan aıyrylýy múmkin.