Qanat Mýsın "Nur Otan" partııasynyń Quqyqtyq keńes tóraǵasy bolyp taǵaıyndaldy. Bul týraly partııa Tóraǵasynyń birinshi orynbasary Baýyrjan Baıbek Twitter-de jazdy.
"Nur Otan" fraksııasynyń depýtaty, QR Parlamenti Májilisiniń Zańnama jáne sot-quqyqtyq reforma komıtetiniń tóraǵasy Qanat Mýsın Saıası keńes Bıýrosynyń sheshimimen partııanyń Quqyqtyq keńesiniń tóraǵasy bolyp taǵaıyndaldy. Senat Tóraǵasynyń orynbasary bolyp saılanǵan Quqyqtyq keńestiń aldyńǵy tóraǵasy Nurlan Ábdirovke partııa basshylyǵy atynan alǵys aıtamyn", - dep jazdy Baýyrjan Baıbek.