Qazaqstannyń tórt soltústik óńiriniń aýyldyq medısınalyq uıymdaryna zamanaýı tehnologııalarmen jabdyqtalǵan jyljymaly medısınalyq keshender tabys etildi, dep habarlaıdy Egemen.kz koronavırýstyń taralýyna jol bermeý jónindegi komıssııanyń baspasóz qyzmetine silteme jasap.
Búgin Qazaqstan Respýblıkasy Premer-Mınıstriniń orynbasary Eraly Toǵjanov basshylyǵymen otandyq óndiristiń 24 jyljymaly medısınalyq kesheni (budan ári – JMK) elimizdiń tórt soltústik óńirindegi aýdandyq aýrýhanalardyń qyzmetkerlerine saltanatty túrde tabys etildi.Vıse-premer E.Toǵjanov quttyqtaý sózinde Memleket basshysy men Úkimet atynan elimizdiń barlyq medısına qyzmetkerlerine qajyrly eńbekteri úshin shyn júrekten alǵysyn bildirdi. El basshylyǵy sapaly medısınalyq kómek kórsetý úshin aýrýhanalardy zamanaýı medısınalyq jabdyqtarmen jabdyqtaý boıynsha sharalar qabyldanǵanyn erekshe atap ótti.JMK otandyq avtokólńk negizinde qurylǵan jáne kóshpeli jaǵdaıda azamattardyń densaýlyǵyn zertteýdiń keń spektrine arnalǵan. Keshen sandyq quraldarmen jabdyqtalǵan 7 mamandandyrylǵan kabınetten turady: jalpy qabyldaý kabıneti, jalpy praktıka dárigeriniń aımaǵy, taldaýlardy qabyldaý aımaǵy, dárihana pýnkti, fýnksıonaldyq dıagnostıka testileri, akýsher-gınekolog kabıneti, sáýlelik dıagnostıka kabıneti.
Sonymen qatar, mobıldi medısınalyq ortalyqta arnaıy qorǵasynmen qaptalǵan bólme ornatylǵan, onda rentgen jáne flıýorografııany qaýipsiz jasaýǵa bolady. Júıeniń bógde adamnyń járdemine muqtaj adamdar úshin ınfraqurylymdyq júıemen jabdyqtalýy óte mańyzdy - pandýs-lıft múmkindigi shekteýli adamdardy qabyldaýdy qoljetimdi etedi.Atalǵan keshender aýdan ortalyqtarynan 100 km astam qashyqtyqta ornalasqan aýyldyq okrýgterde medısınalyq qyzmetterdi joǵary deńgeıde kórsetýge múmkindik beredi.Aǵymdaǵy jyldyń 23 qazanyna deıin Qazaqstannyń óńirleri 100 JMK-men qamtamasyz etiledi.О́z kezeginde medısına qyzmetkerleri memleket tarapynan jan-jaqty qoldaý kórsetilip kele jatqanyna zor rızashylyq sezimderin bildirdi. Osyndaı keshenderdiń arqasynda dárigerler aýyl turǵyndaryna sapaly kómek kórsetip, Qazaqstan azamattarynyń densaýlyǵy men ómir súrý uzaqtyǵyn jaqsarta alatynyn atap ótti.