Memleket basshysy Qasym-Jomart Toqaev Ulttyq qoǵamdyq senim keńesiniń tórtinshi otyrysynda memlekettik jáne ulttyq joǵary oqý oryndary satylmaıtynyn málimdedi, dep habarlaıdy Egemen.kz.
"Meniń tapsyrmama sáıkes, joǵary oqý oryndarynyń qurylymyn ózgertý jumystary júrgizilýde. Kóptegen joǵary oqý orny kommersııalyq emes aksıonerlik qoǵamǵa aınaldy. Bul el ishinde ártúrli áńgime týdyrýda. Sondaı-aq memlekettik joǵary oqý oryndary keıinnen jekemenshikke satylýy múmkin degen de kúdik bar. Osyǵan oraı memlekettik jáne ulttyq joǵary oqý oryndary satylmaıtyny jóninde málimdeımin", dedi Qasym-Jomart Toqaev.
Eske sala keteıik, búgin Memleket basshysy Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy ótti.