Erteńnen bastap Shyǵys Qazaqstan oblysynan shyǵýshylardyń ózimen birge koronavırýsqa teris PTR anyqtamasy bolýy kerek, dep habarlaıdy Egemen.kz.
"2020 jyldyń 2 qarashasynan bastap ShQO-dan Qazaqstannyń basqa óńirlerine áýe nemese temirjol kóligimen baratyn jolaýshylarda koronavırýsqa teris nátıjeleri bar PTR anyqtamasy bolýy tıis. PTR taldaý anyqtamasynyń qoldanylý merzimi nátıjelerdi alǵan sátten bastap 3 táýlikten aspaýy qajet", dedi Kóliktegi Bas memlekettik sanıtarlyq dáriger.
Onyń aıtýynsha, bul talap 5 jasqa deıingi balalarǵa qoldanylmaıdy.
"О́skemennen nemese Semeıden Qazaqstannyń basqa óńirlerdiń áýejaıyna ushyp kelgen kezde PTR taldaý anyqtamalaryn tekserý júrgiziletin bolady. Sonymen qatar bul temirjol qatynasynda da júrgiziledi", dedi ol.
Sádýaqas Baıǵabylov PTR taldaý anyqtamasynsyz jolaýshylar anyqtalǵan jaǵdaıda tasymaldaýshylarǵa aıyppul salynatynyn eskertti.