Búginge deıin eksplýatasııalyq kompanııa estakadany qalypqa keltirý úshin barlyq qajetti jóndeý jumystaryn aıaqtaǵan. Jolshylar topsaly-ankerli bekitkishterdi ornatyp, deformasııalyq jikterdi jóndeýden ótkizdi, dep habarlaıdy Egemen.kz
Aıta keteıik, bıyl 14-qazanda "Nur-Sultan-Shortańdy" aqyly ýchaskesiniń 75 shaqyrymdaǵy kólik jol aıyryǵy (Shortańdy aýyly) boıynsha kólik quraldarynyń barlyq túrine qozǵalys ýaqytsha shektelgen edi.
Kópirdegi aralyq salmaqtarynyń teńgerimsizdigi nátıjesinde deformasııalyq jik tireýishterden ajyrap qalǵan. Budan aralyq qurylymnyń konsol bóligi joǵaryǵa kóterilip, aqaý paıda bolǵan.
Aıta ketý kerek, atalǵan ótpejol 12 jyldan astam ýaqyt boıy eksplýatasııalanýda. Onyń uzyndyǵy 70 metrdi quraıdy. Qazir "Nur-Sultan-Shortańdy" aqyly ýchaskesiniń 75 shaqyrymdaǵy kólik jol aıyryǵy (Shortańdy aýyly) boıynsha kólik quraldary úshin qaýipsiz ári úzdiksiz júris qamtamasyz etilgen.