Elorda prokýratýrasy «Qyran» turǵyn úı kesheninde páterlerdi eki ret satý deregi boıynsha qylmystyq isti sotqa joldady, dep jazady Egemen.kz.
Sotqa deıingi tergep-tekserý barysynda qurylys kompanııasynyń qyzmetkerleri «Qyran» turǵyn úı kesheniniń páterlerin eki ret satý arqyly azamattardy aldaǵany anyqtaldy.
Qyzmetkerler «International Invest Company IIC» JShS-niń atynan azamattarǵa jyljymaıtyn múlikti satý syltaýymen jyljymaıtyn múlikti satý quqyǵyn rastaıtyn maketter, tehnıkalyq pasporttar men qujattardy kórsetip, páterlerdi, turǵyn emes úı-jaılardy jáne turaq oryndaryn naryqtyq qunynan tómen baǵamen satyp alý usynǵan.
Asa iri kólemde alaıaqtyq jasaǵan Qazaqstan azamaty Túrkııadan ekstradısııalandy
«Satyp alý-satý sharttaryn jasasýdyń ornyna kúdiktiler memlekettik tirkeýge jatpaıtyn brondaý sharttaryn, kepilge berý týraly kelisimderdi, aldyn ala sharttardy resimdegen. Aldanǵan satyp alýshylar kúdiktilerdiń jeke shottaryna aqshany aýdarý arqyly jáne qolma-qol aqshamen tólem jasaǵan. Kompanııa qyzmetkerleriniń qylmystyq áreketteriniń nátıjesinde keltirilgen shyǵynnyń mólsheri 8 mlrd teńgeden asty», delingen Astana qalasy prokýratýrasy taratqan habarlamada.
Internet-alaıaqtyqqa qarsy naqty nátıje: Jetisýda 600 myń teńge qaıtaryldy
Sottyń sanksııasymen kúdiktilerdiń jalpy somasy 7,4 mlrd teńgeni quraıtyn múlikterin qoldanýǵa tyıym salynǵan.
Tórt kúdiktige qatysty «qamaýda ustaý» túrindegi bultartpaý sharasy, tórtinshisine «kepil» qoldanylyp, qylmystyq is sotqa joldanǵan.
Alaıaqtyq tyıylmaı tur: Jeke kásipker jazyqsyz jaza arqalady