Búgin Úkimet otyrysynda Premer-Mınıstr Asqar Mamın bir aı ishinde barlyq óńirde gaz-tehnıkalyq ınspeksııany qurýdy tapsyrdy, dep habarlaıdy Egemen.kz
"Gaz jáne gazben jabdyqtaý týraly" zańǵa sáıkes ákimdikter gaz-tehnıkalyq ınspeksııa quryp, búkil gaz jabdyǵyn tekserip turýy kerek. Alaıda bul jumys astanada, Almatyda, Aqmola oblysy men Qostanaı oblysynda ǵana atqaryldy. Basqa barlyq óńirlerdiń ákimdikterine bir aı ishinde gaz-tehnıkalyq ınspeksııa quryp, tıisti baqylaýdy qamtamasyz etýdi tapsyramyn", dedi Premer-Mınıstr.
Sonymen qatar Úkimet basshysy jaýapty vedomstvolar turǵyndar arasynda órt qaýipsizdigine qatysty túsindirý sharalaryn kúsheıtýi kerektigin atap ótti.
"Tótenshe jaǵdaılar mınıstrligi ákimdiktermen birlesip, jylý berý maýsymynda órt qaýipsizdigi máselesi boıynsha halyq arasynda aldyn alý jumystaryn kúsheıtsin. Aqparat mınıstrligi járdem kórsetsin", dedi ol.
Budan buryn habarlanǵandaı, Úkimet otyrysynda órt qaýipsizdigi máselesin talqylaý kezinde Premer-Mınıstr 2021 jyldan bastap kelesi úsh jyldyq kezeńge arnalǵan Materıaldyq-tehnıkalyq jaraqtandyrý týraly jańa jol kartasyn ázirlep, bekitýdi tapsyrdy.