"Qaırat" komandasy fýtboldan Qazaqstan chempıonatynda jeńimpaz atandy, - dep habarlaıdy Vesti.kz.
Búgin almatylyq komanda shymkenttik "Ordabasyny" qabyldap, 3:1 esebimen jeńiske jetti. Kezdesý esebin 36-mınýtta brazılııalyq shabýylshy Vagner Lav ashty. Artynsha bas tóreshi "Ordabasy" qaqpasyna penaltı belgilegen. Osylaısha Nuraly Álip kelip, aıyp dobyn sátti oryndady. Birinshi taımda eki dop basymdyǵyna ıe bolǵan "Qaırat" oıynshylary ekinshi taımdy sylbyr bastady. Sóıtip, 77-mınýtta "Ordabasy" komandasynyń shabýylshysy Joao Paýlo esep aıyrmasyn qysqartty. Biraq 80-mınýtta qonaqtar sapynan alańǵa tyńnan shyqqan Ular Jaqsybaev óz qaqpasyna gol soǵyp, match núktesin qoıdy.
Eske salaıyq, buǵan deıin alty jyl qatarynan Qazaqstan chempıony degen ataqty "Astana" komandasy ıelenip kelgen. Biraq bıyl elordalyq ujym ekinshi orynǵa talas júrgizip jatyr.