Osyǵan deıin áleýmettik jelilerde Qostanaı oblysynyń týmasy Koreıadaǵy emhanada qaıtys bolǵan qyzynyń denesin elge alyp kelý úshin qarajat jetpeı jatqanyn jetkizgen habarlamalar taraǵan-dy. El bolyp, kelinshekke kómektesýdi uıǵarǵan azamattar da tabylǵan edi. Dese de, áıeldiń bul áreketi ońaı aqsha tabýdyń amaly bolyp shyqqan, dep jazady Egemen.kz
28 qazanda "Qostanaı jańalyqtary" basylym qyzy Inabat Muhıttiń denesin Seýlden alyp shyǵý úshin kómekke muqtaj Madına Aıdan esimdi azamatsha týraly jazdy.
Áıel qyzynyń 27 qazanǵa qaraǵan túni qaıtys bolǵany, osydan keıin ol klınıkaǵa qaryz bolyp qalǵanyn aıtqan. Madına Aıdan endi qyzynyń denesin ózimen birge alyp ketý úshin qarajat taba almaı otyrǵanyn aıtyp, elden kómek suraǵan.
Sondaı-aq áıel ózine tek 685 dollar jetpeı turǵanyn, qalǵan somany aǵaıyn-týys pen dos-jaran jınap bergenin aıtypty. Madına bul jaǵdaıda Koreıadaǵy Qazaqstan elshiliginen kómek suraǵanyn, biraq nátıje bolmaǵanyn da málimdeıdi.
Tıisti qarajatty jınaýǵa jergilikti eriktiler qozǵalysy da atsalysady. Dese de istiń sońynda áıeldiń alaıaqtyqpen aınalyspaq nıeti belgili bolyp qalǵan. Madına Aıdannyń Inabat esimdi qyzy, odan bólek 3 balasy bar ekeni ras. Biraq Inabat tiri, eshqandaı qaterli dertke shaldyqpaǵan bolypy shyǵady. Al alaıaq áıel eldi sóndirý úshin Almaty oblysynda turatyn Kamılla Rebrova esimdi qyzdyń foto-sýretin qoldanǵan eken.
О́z qyzdarynyń fotosýretin áleýmettik jeliden kórgen Rebrovtar otbasynyń áreketi bul istiń shyndyǵyna kóz jetkizýge múmkǵindik bergen.
LIDER.KZ qozǵalysynyń eriktileri Rebrovtardyń týystary habarlasqan aldaýdyń betin ashýǵa kómektesti. Nátıjesinde Madına Aıdan jınalǵan aqshany - 970 000 teńgeni qaıtarýǵa májbúr boldy. Madına Aıdannyń otbasy sengen jáne áıeldiń "janaıqaıyna" jaýap bergenderdiń bárinen keshirim surady.