Jas qaıraty – jaqsy iske

Ortalyq saılaý komıssııasynda 2012-2013 jyldary jas­tardy quqyqtyq oqytý jónindegi jobany iske asyrý nátıjelerin shyǵarý jáne Qazaqstan Respýblıkasynyń joǵary oqý oryndary stýdentteri men magıstranttary arasynda ótken Qazaqstan Respýblıkasyndaǵy saılaý quqyǵy jáne saılaý úderisi máseleleri jónindegi úzdik jumys konkýrsynyń jeńimpazdaryn marapattaý rásimi ótti.

Ortalyq saılaý komıssııasynda 2012-2013 jyldary jas­tardy quqyqtyq oqytý jónindegi jobany iske asyrý nátıjelerin shyǵarý jáne Qazaqstan Respýblıkasynyń joǵary oqý oryndary stýdentteri men magıstranttary arasynda ótken Qazaqstan Respýblıkasyndaǵy saılaý quqyǵy jáne saılaý úderisi máseleleri jónindegi úzdik jumys konkýrsynyń jeńimpazdaryn marapattaý rásimi ótti.

Rásimge jınalǵan jastarǵa qarap Ortalyq saılaý komıs­sııa­synyń tóraǵasy Qýan­dyq Turǵanqulov: «Ortsaı­laý­kom 2012-2013 jyldary iske asyrǵan jas­tardy quqyqtyq oqytý jó­nin­degi joba men stýdentter men magıstranttar ara­syn­da ótki­zilgen konkýrsty mem­lekettik mereke – Tuńǵysh Pre­zı­dent kúni qar­sańynda qorytyn­dy­laýy­myz tegin emes. Memleket basshy­sy Nazarbaev Ýnıversıteti jas­tarynyń aldynda sóılegen sózinde: «Sender táýelsiz Qazaq­stan­nyń keleshegi úshin tarıhı jaý­apkershilik arqalaıtyn azamat­syńdar. Sender Táýelsiz Qa­zaq eliniń bilimdi jastary, óz soq­paqtaryńdy salyp, ony eldi damýǵa bastaıtyn dańǵylǵa aınaldyrýǵa tıistisińder!» degenin sizder jaqsy bilesizder dep oılaımyn. Ortsaılaýkom uıymdastyrǵan kon­kýrs tap osy múmkindikterdiń biri boldy. Bul – biz jyl boıy júr­­gizgen úlken, júıeli jáne kóp­jos­­parly jumystyń sheshýshi ke­zeńi», dedi.

Munan soń sóz alǵan OSK mú­shesi, konkýrsty uıymdastyrý jó­nindegi bastamashy Lázzat Súleı­men ony ótkizýdiń basty maqsa­tyna toqtaldy. Onyń aıtýynsha, saılaýdy jastar arasynda tanymal etýdi, bolashaq jas saı­laý­shylardyń demokratııalyq úde­ris­terge qatysýy tájirıbesin jınaq­taýdy nıet etken jobaǵa elimizdiń 11 aýmaǵynan 50-ge jýyq joǵary oqý orny, 780 mektep, 135 kolledj, 5 kásiptik lıseı, 10 balalar úıi jáne 2 óndiristik uıym qatysqan.

Jastar qashanda jańalyqqa qumar. Osyndaı jańashyldyq nátıjesinde túrli fleshmobtar uıymdastyryldy, aǵa býyn úshin dóńgelek ústelder, konferensııalar tárizdi dástúrli jıyndar úırenshikti bolsa, jastar óz jańalyǵyn alyp keldi, degen OSK músheleri budan bylaı da oqý oryndary men mektepterdiń oqý baǵdarlamalarynda saılaý quqyǵy jóninde arnaıy kýrs, sondaı-aq, jastardyń elektorattyq bel­sen­diligin arttyrý boıynsha jumys júrgizý úshin úlgi-josparlar men ádis­temelik quraldardy belsene qol­danýdy usyndy.

Negizinen eki kezeńde ótkizilgen konkýrstyń óte mazmundy da mándi bolǵanyna toqtalǵan OSK múshesi, qazylar alqasynyń tóraǵasy, professor, zań ǵylymdarynyń doktory Marat Sársembaev konkýrsqa qatysý úshin elimizdiń 38 joǵary oqý ornynan stýdentter men magıstranttardyń 200-den astam jumysy usynylǵanyn, onyń ishinen 42 ǵylymı jumys, 7 slogan jáne 7 beınerolık óńirlik kezeńniń jeńimpazdary atanyp, respýblıkalyq konkýrsqa qatysý úshin Ortsaılaýkomǵa kelip túskenin jetkizdi. Buǵan qosa, Ortsaılaýkomnyń ózine de taǵy 16 ǵylymı jumys, 8 slogan jáne 9 beınerolık kelip túsipti.

«Konkýrsqa usynylǵan ár­bir jumys taldanyp, muqııat tal­qylandy jáne árqaısysyna arnaıy resenzııa daıyndaldy. Ná­tıjesinde «Qazaqstan Repýblı­ka­syndaǵy saılaý quqyǵy men saılaý úderisiniń máseleleri jónindegi ǵylymı jumys», «Saılaý naý­qa­nynyń úzdik slogany», «Saılaý taqyrybyna úzdik beınerolık» atty 3 nomınasııada 12 konkýrs jeń­im­pazy anyqtaldy», dedi M.Sár­sem­baev.

Budan basqa, qazylar alqa­sy­nyń kótermeleýi men Ortalyq saı­laý komıssııasynyń alǵys hat­tary­na taǵy 8 konkýrsant ıe bol­dy.

Ortsaılaýkom basshysy Q.Tur­ǵanqulov Astana jáne Alma­ty qalalary, Aqmola, Atyraý, Shyǵys Qazaqstan, Batys Qazaqstan, Qa­raǵandy, Qostanaı jáne Ońtústik Qazaqstan oblystary joǵary oqý oryndarynan kelgen konkýrs jeńim­pazdary men nomınanttaryna es­telik syılyqtardy, sondaı-aq, marapattaý qaǵazdary men al­ǵys hattardy tapsyrdy.

Anar TО́LEÝHANQYZY,

«Egemen Qazaqstan».