2021 jylǵy 10 qańtarǵa taǵaıyndalǵan Qazaqstan Respýblıkasy Parlamentiniń Májilisi jáne máslıhattary depýtattarynyń kezekti saılaýyn taǵaıyndaýǵa baılanysty Qazaqstan Respýblıkasy Aqparat jáne qoǵamdyq damý mınıstrligi kelesini habarlaıdy.
«Qazaqstan Respýblıkasyndaǵy saılaý týraly» Konstıtýsııalyq Zańnyń 28-baby 3-tarmaǵynyń talaptaryna sáıkes efır men baspa alańyn berýdiń mólsheri, sharttary men tártibi týraly málimetter tıisti buqaralyq aqparat quraldary saılaý aldyndaǵy úgit júrgizý bastalǵanǵa deıin bes kúnnen keshiktirmeı (2020 jylǵy 4 jeltoqsannan keshiktirmeı) habarlanýǵa jáne jarııalanýǵa tıis.
Buqaralyq aqparat quraldary úmitkerlerdiń agıtasııalyq materıaldaryn ornalastyrýǵa, taratýǵa efır ýaqyty men baspa alańyn aqy tóleý mólsheri, efır men baspa alańyn usyný sharttary men tártibi týraly málimetterdi jarııalaǵanǵa deıin usyna almaıdy (Osy normany buzý laýazymdy tulǵalarǵa 30 AEK mólsherinde, zańdy tulǵalarǵa 50 AEK mólsherinde aıyppul salýǵa ákep soǵady).
Parlament Májilisi depýtattaryn saılaý boıynsha efır men baspa alańyn berýdiń mólsheri, sharttary men tártibi týraly málimetter – Ortalyq saılaý komıssııasyna, máslıhattar depýtattaryn saılaý kezinde aýmaqtyq saılaý komıssııalaryna berilýge tıis.
Sonymen qatar Qazaqstan Respýblıkasynyń Ákimshilik quqyqbuzýshylyq týraly kodeksiniń 11-taraýynda saılaý quqyqtaryna qol suǵatyn quqyqbuzýshylyqtar úshin ákimshilik jaýapkershilik kózdelgen.
Bul rette, Mınıstrlik buqaralyq aqparat quraldary jıi buzatyn, buzǵany úshin ákimshilik jaýaptylyq kózdeletin Qazaqstan Respýblıkasy saılaý zańnamasynyń birqatar normalaryna nazar aýdarady:
Kandıdatty, saıası partııa usynǵan partııalyq tizimdi tirkeý merzimi aıaqtalǵanǵa deıin, saılaý bolatyn kúni ne onyń qarsańyndaǵy kúni saılaý aldyndaǵy úgitti júrgizý, sondaı-aq respýblıkalyq referendým ótkiziletin kúni ne onyń qarsańyndaǵy kúni úgit júrgizý (QR «Ákimshilik quqyqbuzýshylyq týraly» Kodeksiniń 102 baby (budan ári – Kodeks); Buqaralyq aqparat quraldarynyń kandıdattyń nemese saıası partııanyń abyroıyna, qadir- qasıetine jáne iskerlik bedeline kórineý nuqsan keltiretin úgit materıaldary men ózge de aqparatty jarııalaýy, sondaı-aq atalǵan tulǵalarǵa abyroıyn, qadir-qasıetin jáne iskerlik bedelin qorǵaýy úshin teriske shyǵarýdy tegin jarııalaýyna múmkindik berýden bas tartý (kodekstiń 112-babynyń 2-bóligi); Kandıdattardyń teledıdar men radıoda sóılep jatqan sózderin bólý jáne sóılegen sózderinen keıin ile-shala, sondaı-aq baspa basylymdaryndaǵy sózderine sol bir nómirde túsinikteme jasaý (Kodekstiń 112-babynyń 3-bóligi); Buqaralyq aqparat quraldarynyń qoǵamdyq pikirge saýal salý nətıjelerin, saılaý, saılaýǵa baılanysty ózge de zertteýler nətıjeleriniń boljamdaryn jarııalaý tərtibin buzýy, atap aıtqanda saýal salýdy júrgizgen zańdy tulǵany, saýal salýǵa tapsyrys bergen jəne onyń aqysyn tólegen tulǵalardy, saýal salý júrgizilgen ýaqytty, aqparat jınaý ədisin, suraqtyń naqty tujyrymyn, saýal salynǵandar sanyn jəne saýal salý nətıjeleriniń qatelik koeffısıentin kórsetpeý (kodekstiń 120-babynyń 1-bóligi).Prezıdenttikke, Senat depýtattyǵyna kandıdattardyń, Májilis, máslıhat depýtattyǵyna kandıdattardyń partııalyq tizimderin usynǵan saıası partııalardyń, sondaı-aq ózge de jergilikti ózin ózi basqarý organdary músheligine kandıdattardyń saılaý aldyndaǵy úgitin qamtıtyn buqaralyq aqparat quraldarynyń barlyq jarııalanymdary qarjylandyrý kózderi týraly aqparatty qamtýǵa tıis ekenin qosymsha eske salamyz (Qazaqstan Respýblıkasy Prezıdentiniń, Qazaqstan Respýblıkasy Parlamenti, máslıhattary depýtattarynyń, sondaı-aq ózge de jergilikti ózin-ózi basqarý organdary músheleriniń saılaýy kezinde buqaralyq aqparat quraldary arqyly saılaý aldyndaǵy úgitti júzege asyrýdyń jáne ony aqparattyq qamtamasyz etýdiń qaǵıdalarynyń 22-tarmaǵy).
«Qazaqstan Respýblıkasyndaǵy saılaý týraly» Konstıtýsııalyq zańnyń 27-baby 2-tarmaǵynyń talaptaryna sáıkes saılaý aldyndaǵy úgit kandıdattar tirkelgen merzimi aıaqtalǵan kezden bastalyp, saılaý bolatyn kúnniń aldyndaǵy kúngi jergilikti ýaqyt boıynsha nól saǵatta aıaqtalady.
Osylaısha, saılaý aldyndaǵy úgit 2020 jylǵy 10 jeltoqsanda jergilikti ýaqytpen saǵat 18.00-den keıin bastalyp, 2021 jylǵy 9 qańtarda jergilikti ýaqytpen saǵat 00.00-de aıaqtalady.