Eýropa elderi turǵyndarynyń basty merekesi – Rojdestvo jaqyndap keledi. Pandemııaǵa baılanysty bıylǵy merekelik sharalar qatań shekteýler jaǵdaıynda ótedi. Ulybrıtanııa úkimeti bul másele boıynsha usynystaryn jarııalap úlgerdi, - dep habarlaıdy Egemen.kz
Úı esiginen eki metr ara qashyqtyqta turyp, alty adamnan aspaıtyn top múshelerine Rojdestvolyq ánderdi aıtýǵa ruqsat berildi. Horǵa qatysýshylar bir otbasynyń músheleri bolmasa, olar da óz aralarynda áleýmettik araqashyqtyqty (eki metr) saqtaýlary kerek.Mektepterde Rojdestvolyq qoıylymdardyń ótkizilýine, qatysýshy balalardyń barlyǵy bir synyptan bolsa ǵana ruqsat etiledi. Indettiń taralý deńgeıi joǵary aımaqtarda qoıylymdar ata-analarǵa ınternet arqyly kórsetiledi. «Santanyń groty» dep atalatyn - Santa-Klaýstyń balalardy qabyldaıtyn saýda ortalyqtaryndaǵy arnaıy bezendirilgen buryshtardyń jumys isteýine áleýmettik ara qashyqtyqty saqtaı otyryp jáne indettiń taralý deńgeıi tómen aımaqtarda ǵana ruqsat etiledi.