Úmitkerler men halyqaralyq baıqaýshylar tirkeldi

Otyrysty ashqan Qazaqstan Respýblıkasy Ortalyq saılaý komıssııasynyń tóraǵasy Berik Imashev Májilis depýtat­ty­ǵyna kandıdattardyń par­tııalyq tizimderin usyný mer­zimi 30 qarasha saǵat 18.00-de aıaq­talǵanyn eske saldy. Or­talyq saılaý komıssııasyna tizim­derin bes saıası partııa usyn­ǵan. Saıası partııalardyń, Bas pro­kýratýranyń, Ádilet, Ishki ister jáne Qarjy mınıstr­lik­teriniń, aýmaqtyq saılaý komıs­sııalarynyń qatysýymen jıynda eki másele qaraldy.

Kún tártibindegi birinshi má­sele boıynsha baıandaǵan Orta­lyq saılaý komıssııasynyń múshesi Asylbek Smaǵulov  «Saı­laý týraly» Konstıtýsııalyq zań­nyń 89-babyna sáıkes bir saıa­sı partııadan tizimge engizilgen adamdardyń sany saıası partııalar arasynda bólinetin depýtattyq mandattardyń bel­gilengen sanynan otyz paıyzǵa as­paıtyn bir ǵana tizimdi tir­keýge bolatynyn aıtty.

«Partııalyq tizimde áıel­der men 29 jasqa tolmaǵan adam­dardyń sany oǵan engizilgen adamdardyń jalpy sanynyń keminde 30 paıyzyn quraýǵa tıis. Nur Otan partııasynyń partııalyq tiziminde 126 adam bar. 40 áıel jáne 29 jasqa tol­maǵan adamdar engizilgen. Bul – tizimge engizilgenderdiń jal­py sanynyń 31,7 paıyzy. Ýákiletti organdar usynǵan málimetter negizinde Ortalyq saılaý komıssııasy Májilis depýtaty bolyp saılaný úshin partııalyq tizimge engizilgen adamdardyń Konstıtýsııa men «Saılaý týraly» zańnyń talaptaryna sáıkestigine tekserý júrgizdi. Partııalyq tizimge engizilgen barlyq úmitker talaptarǵa sáıkes keledi», dedi A.Smaǵulov.

Osyǵan baılanysty Orta­lyq saılaý komıssııasynyń múshe­leri «2021 jylǵy 10 qań­tarǵa taǵaıyndalǵan Qazaqstan Res­pýblıkasy Parla­menti Má­jilisi depýtattarynyń kezekti saılaýyna Nur Otan partııasynyń tizimin tirkeý týraly» qaýly qabyldady.

Májilis depýtaty bolyp saılaný úshin kandıdat Qazaq­stan Respýblıkasynyń azamaty bolýǵa, Qazaqstan Respýb­lıkasynyń aýmaǵynda sońǵy 10 jylda turýǵa, 25 jastan kishi bolmaýǵa jáne saılaý quqyǵyna ıe bolýǵa tıis.

Odan bólek Komıssııa múshesi Anastasııa Shegorsova halyq­aralyq baıqaýshylardy tirkeý máselesine toqtaldy. Onyń aıtýynsha, «Qazaqstan Respýblıkasyndaǵy saılaý týraly» Konstıtýsııalyq zań­nyń 20-2-babyna sáıkes shet memleketterdiń, halyqaralyq uıymdardyń baıqaýshylaryn akkredıtteýdi Ortalyq saılaý komıssııasy Syrtqy ister mınıstrliginiń usynýy boıynsha júzege asyrady. 2020 jylǵy 20 qarashada Syrtqy ister mınıstrliginiń usynýy bo­ıynsha Ortalyq saılaý komıssııasy TMD Parlamentaralyq Assam­bleıasynan 29 baıqaý­shyny akkredıttegen edi. 25 jáne 26 qarashada Syrtqy ister mınıstrliginen taǵy 10 baı­qaýshyny tirkeý týraly usy­nys kelip túsken. Olar­dyń ishinde 6 baıqaýshy TMD baı­qaý­shylar mıssııasy qura­my­nan, 4 baıqaýshy Islam yn­tymaq­tastyǵy uıymy mıssııasynan akkredıtteledi.

Osyǵan baılanysty Orta­­lyq saılaý komıssııasy «2021 jylǵy 10 qańtarǵa taǵa­ıyndalǵan Qazaqstan Res­pýb­lıkasy Parlamentiniń Máji­lisi jáne máslıhattary depýtat­tarynyń kezekti saılaýyna halyqaralyq uıymdardyń baı­qaýshylaryn akkredıtteý týraly» qaýly qabyldady.

A.Shegorsova akkredıtteýge usynystardyń kelip túsýine qaraı baıqaýshylar boıynsha derekter jańartylyp otyratynyn atap ótti. OSK halyqara­lyq baıqaýshylardy 2021 jylǵy 4 qańtar saǵat 18.00-ge deıin tirkeıdi.