Shymkent qalasynda bıyl 417 shaqyrym jolda qurylys jáne jóndeý jumystary júrgizildi. Onyń ishinde 88 shaqyrym magıstraldy, 329 shaqyrym ishki oramdyq kósheler. Sondaı-aq, shaharda kólik keptelisin boldyrmaý maqsatynda 4 iri jolaıryqtyń qurylysy josparlanyp, osy jyly bireýiniń qurylysy bastaldy. Bul týraly Nur-Sultanda Prezıdent janyndaǵy OKQ alańynda ótken baspasóz brıfıng barysynda Shymkent qalasynyń ákimi Murat Áıtenov aıtty, dep habarlaıdy Egemen.kz.
"Osy jyly 4 kópirde qaıta qurý jumysy júrgizilip, 4 kópir kúrdeli jóndeýden ótti. Osyndaı jumysdardyń nátıjesinde, jaqsy jáne qanaǵattanarlyq joldardyń úlesi jyl sońyna deıin 60 paıyzǵa jetetin bolady", - dedi Murat Dúısenbekuly.
Spıkerdiń aıtýynsha qalada jolaýshylarǵa yńǵaıly jaǵdaı jasaý úshin, aǵymdaǵy jyly gazben júretin 590 jańa avtobýs ákelinip, qaladaǵy avtobýs parkteriniń 80 paıyzy jańarǵan. Sonymen qatar, qoǵamdyq kólikterge «Tólem» elektrondyq bılettendirý júıesi engizilip, 260 aıaldama ornatylǵan.