Qaraǵandy oblysynda GRES-2-de bý qubyry jarylyp, saldarynan er adam kóz jumdy, dep habarlaıdy Egemen.kz
Qaraǵandy oblysy TJD baspasóz qyzmeti ókilderiniń habarlaýynsha, apat Abaı aýdanynda ornalasqan MAES-2-de bolǵan.
Al "Kazakhmys Energy" JShS 1958 jylǵy er adam qaza taýyp, úsh adam zardap shekkenin málimdedi. Olar 1975 jyly týǵan áıel men 1971, 1980 jylǵy er adamdar. Zardap shekkender 1-2 dárejeli kúıikpen aýrýhanaǵa jetkizildi.
TJD ókilderi bul oqıǵa Abaı qalasynyń jylý jáne elektrmen jabdyqtalýyna áser etpegenin atap ótti. Qazirgi ýaqytta "Kazakhmys Energy" jóndeý, qalpyna keltirý jumystaryn júrgizip jatyr.
Qaraǵandy oblysynyń Eńbek ınspeksııasy jónindegi basqarmasy jazataıym oqıǵanyń mán-jaıy men sebepterin anyqtaý úshin arnaıy tekserý komıssııasy qurylatynyn jáne tergeý nátıjeleri keıinirek jarııalanatynyn aıtty.