Táýelsizdik merekesine oraı Qaraǵandy oblysynda «Meniń týym. Meniń Otanym!» buqaralyq chellendji ótti. Is-shara barysynda turǵyn úılerdiń terezeleri men balkondaryna Qazaqstan týy ilindi. Atalǵan aksııa sanıtarlyq-epıdemııalyq talaptardy qatań saqtaı otyryp uıymdastyryldy.
16 jeltoqsan kúni saǵat 10.00-de Qaraǵandy qalasynda bastalǵan «Meniń týym. Meniń Otanym!» chellendji oblystyń Balqash, Jezqazǵan, Sátbaev, Saran jáne Shahtınsk qalalarynda jalǵasyn tapty.
Chellendj barysynda kenshiler astanasyndaǵy «Qaraǵandy» qonaq úıiniń balkondaryna 20-ǵa jýyq tý ilinip, jastar atalǵan chellendjdi Balqash qalasyna joldady.
Sonymen qatar 17-18 jeltoqsan kúnderi Abaı aýdanynda 20-ǵa tarta avtokóliktermen avto-motosherý uıymdastyryldy. Oblystyń Aqtoǵaı, Shet, Jańaarqa aýdandarynda jastar atqa qonyp, tý kóterip, basty kóshelerde chellendjdiń kórigin qyzdyrdy. Atalǵan chellendjge turǵyndar zor qyzyǵýshylyq tanytyp, áleýmettik jelilerde de jappaı qoldaýǵa ıe bolǵanyn aıta ketken lázim.
Sondaı-aq 17-18 jeltoqsan kúnderi oblystyń qalǵan qalalary men aýdandary atalǵan chellendjdi jalǵastyrdy.
Aksııa aıasynda «Tabysqa bastaıtyn jol» onlaın-chellendji, «Meniń týǵan ólkem. О́rkendeý men tabys serpini» onlaın-marafony uıymdastyryldy. Oblysqa tanymal, táýelsizdikke eleýli úles qosqan belgili qazaqstandyqtardyń, eńbek ardagerleriniń, jastar ókilderiniń beınequttyqtaýlary áleýmettik jelilerde, LED ekrandar arqyly kórsetildi.
Qaraǵandy oblysy