Fransııalyq áriptestermen áńgime
Senattyń Qarjy jáne bıýdjet, Ekonomıkalyq jáne óńirlik saıasat komıtetteriniń basshylary Qaırat Ishanov pen Nurlyǵaıym Joldasbaeva Fransııa Respýblıkasy Senaty Qarjy komıtetiniń tóraǵasy Jan Artıýs bastaǵan delegasııamen kezdesti. Onda Qazaqstan-Fransııa yntymaqtastyǵyn, onyń ishinde ózara parlamentaralyq is-qımyldy odan ári damytý máseleleri talqylandy.
Kezdesýdiń basty taqyryby ekonomıkany jedel ártaraptandyrý jáne onyń sektorlarynyń básekege qabilettiligin arttyrýdy maqsat etken jobalardy júzege asyrýǵa fransýz tarabynyń qatysýy boldy. N.Joldasbaeva álemdik qarjy daǵdarysy zardaptaryn eńserý jáne daǵdarystan keıingi damý úshin memleket qabyldaǵan sharalar týraly áńgimeledi. Atap aıtqanda, jańa ekonomıkalyq saıasat mindetterin júzege asyrýǵa, memlekettik ındýstrııalyq-ınnovasııalyq damý baǵdarlamasyn oryndaýǵa Ulttyq qordan jyl saıyn 8 mıllıardqa jýyq dollar bólinetin bolady. Sondaı-aq depýtat Qazaqstannyń energetıka, jańartylatyn energııa kózderi, aeroǵarysh salalaryndaǵy yntymaqtastyqty odan ári belsendilendirýge múddeliligin atap ótti.
Q.Ishanov áriptesterin qarjy zańnamalaryn jetildirýdegi zań shyǵarý jumystarymen tanystyrdy jáne osy saladaǵy normatıvtik bazany qalyptastyrýdaǵy pikirlesý men tájirıbe almasý jaıynda oılaryn bildirdi.
J.Artıýs Qazaqstannyń jetistikterin joǵary baǵalady jáne ekijaqty baılanystardyń barlyq baǵyttary, onyń ishinde parlamentaralyq yntymaqtastyqty tereńdetýge fransýz jaǵynyń ázirligin málimdedi. “Qazaqstan óziniń tabystarymen halyqaralyq qoǵamdastyq nazaryn aýdaryp otyr”,–dedi fransııalyq senator,– dep habarlady Parlament Senatynyń baspasóz qyzmeti.