Senat májilis maquldaǵan otandyq syrany BAQ-ta jarnamalaýǵa ruqsat etý týraly normany qabyldamady. Qujat tıisti túzetýlermen tómengi palataǵa keri qaıtaryldy, dep habarlaıdy Egemen.kz
Aıta keteıik, Májilis otandyq syra men sharapty jarnamalaýǵa salynǵan tyıymdy alyp tastaýdy kózdeıtin zań jobasyn maquldap, Senatqa joldaǵan edi.
Alaıda búgingi otyrysta parlamenttiń joǵarǵy palatasy bul normany qoldaǵan joq.
«Zań jobasynda elimizdiń aýmaǵynda óndirilgen syrany jarnamalaýǵa tyıym salýdy alyp tastaý máselesi de kózdelgen. Bul normany engizý qosymsha jarnama ónimderin ornalastyrý múmkindigin keńeıtý esebinen, jarnama, sondaı-aq tele-radıo arnalary men baspa basylymdaryn óndirý jáne ornalastyrý jónindegi qyzmetterdi damytýǵa yqpal etedi degen negizdeme berilgen. Alaıda osy másele biraz pikirtalas týǵyzdy. Salamatty ómir salty jóninde únemi aıtyp júrmiz. Osyǵan oraı senatorlar buqaralyq aqparat quraldarynda syra taýary belgilerin jarnamalaýdan bas tartýdy usynyp otyr», dedi áleýmettik-mádenı damý jáne ǵylym komıtetiniń múshesi, depýtat Aıgúl Qapbarova.
Senatorlar bul túzetýler qazaqstandyqtardy, sonyń ishinde balalardy sharap ónimderinen qorǵaýǵa múmkindik beredi dep sanaıdy. Zań jobasy tıisti túzetýlermen májiliske keri qaıtaryldy.