Jańa jyl qarsańynda Petropavl polıseıleri pırotehnıkalyq buıymdardyń zańsyz satylýyna qarsy reıdtik is-sharalar ótkizýde, dep habarlaıdy Egemen.kz.
Tártip saqshylarynyń aıtýynsha, Qazaqstan Respýblıkasynyń zańnamasymen pırotehnıkalyq buıymdardy erkin satýǵa tyıym salynǵan. О́ıtkeni, sertıfıkattalmaǵan buıymdar qaýipti bolýy múmkin. Osyǵan baılanysty olardy saqtaýdyń belgili bir talaptary bar. Olar kóbinese zańsyz satylym kezinde saqtalmaıdy. Jaramsyz otshashýlar oqys oqıǵaǵa aparyp soǵýy múmkin.
«Jeltoqsannyń 15-nen bastap qaladaǵy bazarlar men dúkenderde 6 tekseris júrgizildi. Ashyq aspan astynda otshashý satqan eki qala turǵyny ákimshilik jaýapkershilikke tartyldy. Eki fakti boıynsha Ákimshilik quqyq buzýshylyq týraly Qazaqstan Respýblıkasy Kodeksiniń 196-baby «Taýarlarmen nemese ózge de zattarmen zańsyz saýda jasaý» boıynsha materıal jınaldy», deıdi Petropavl qalasy polısııa basqarmasy quramyndaǵy azamattyq jáne qyzmettik qarý aınalymyn baqylaý bóliminiń bastyǵy polısııa maıory Meıram Sharyshev.
«Pırotehnıka» jedel-profılaktıkalyq is-sharasynyń alǵashqy kezeńi jeltoqsannyń 15-i men 24-i aralyǵynda, ekinshi kezeńi 26 jeltoqsan men 7 qańtar aralyǵynda ótpek.