Qaraǵandy men Jezqazǵan qalalarynyń arasy 500 shaqyrymnan asady. Endi bul aralyqty baǵyndyrý jolaýshylar úshin ońaıǵa túsetin boldy. О́ıtkeni qańtardyń 5-inen bastap Qaraǵandy-Jezqazǵan baǵyty boıynsha áýe reısi qaıta jandandy, dep habarlaıdy Egemen.kz.
Jolaýshylarǵa qyzmetti Qaraǵandy oblystyq jolaýshylar kóligi jáne avtomobıl joldary basqarmasynyń ótinishi boıynsha Indýstrııa jáne ınfraqurylymdyq damý mınıstrligi ótkizgen konkýrsta jeńimpaz bolǵan «Qazaq Air» áýe kompanııasy kórsetedi.
Atalǵan baǵyt boıynsha aptasyna tórt ret qatynaıtyn ushqtaǵy baǵa da qoljetimdi: buryn bir bılettiń quny 12 myń teńge bolsa, qazir ol arzandap, 10 myń teńgeni qurady.
Buǵan deıin jolaýshylar ishine 30 adam ǵana syıatyn IаK-40 ushaǵyn paıdalanyp kelse, endi olarǵa kanadalyq 76 oryndyq zamanaýı «Bombardier Q400» áýe kemesi qyzmet kórsetetin boldy. Munyń ózi burynǵy 1 saǵat 10 mınýttyq ushý ýaqytyn 50 mınýtqa deıin qysqartty.