Jastarǵa úmit syılady

Memleket basshysy jańa qu­ram­daǵy Májilistiń aldynda tur­ǵan naqty mindetterdi aıqyndap ótti. Sonymen qatar bıyl iske asa­tyn reformalar jaıy da sóz bol­dy. Onyń ishinde qazirgi tańdaǵy mem­lekettik basqarý júıesiniń stra­tegııalyq josparlaý baǵyty bar, sonyń negizinde  ártúrli zańnamalyq, áleýmettik kodeks, jastar máselesi, basqa da mańyzdy baǵyttar jarııalandy.  

Qasym-Jomart Toqaev jergilikti organdardyń jumysy jastar saıa­satyn júzege asyrýǵa qatysty baǵa­lanatyny týraly atap ótti. Kele­shekte eldiń ekonomıkasy jastardyń qo­lynda bolady. Bul memlekettiń damýyna, sonymen qatar mańyzdy degen salalardyń sapasyna áser etedi. Sondyqtan da meniń oıymsha osyn­daı mańyzdy baǵyttardy Par­lament tıisti deńgeıde júzege asyrsa, memlekettiń damýyna, jalpy Úkimet jumysynyń tıimdi júzege asyrylýyna sep bolar edi. Úkimet pen Májilistiń jańa quramy qazirgi pandemııa saldarynan quldyraǵan ekonomıkanyń uzaq merzimdi ósimin qamtamasyz etýge jáne halyqtyń ál-aýqatyn jaqsartýǵa basa kóńil bóledi dep senemin.

Memleket bas­shysy Par­la­ment­­tiń, ásirese de­pýtat­tar­dyń róli men olardyń jumys baǵyty tý­raly naqty aıtty. О́ıtkeni qazirgi tań­da Parlamenttiń maqsaty –qoǵamdy tolǵandyratyn máse­le­lerdi Úkimetke jetkizý, zańnyń sapasy, olardyń júzege asyrylýyn qadaǵalaý. Pre­zıdenttiń jastar máselesi boıynsha jastardyń damý ındeksin engizý, jastarǵa barlyq jaǵdaıdyń jasalýy jaıyndaǵy usynysy qýantty.

Jańa saılanǵan Qazaqstan Res­pýblıkasy Parlamenti Májilisine al­ǵashqy otyrysta jańasha jobalar men tıimdi bastamalardan turatyn bıik maqsattar men naqty mindetter qoıyldy deýge bolady. Biz sııaqty jas­tarǵa jańa baǵyt, jańa tynystyń ashylýy, memleketke ózgeshe kóz­qarastaǵy tulǵalardyń kelýi úlken úmit syılaıdy. Jastarǵa kóńil bólý, eń aldymen olardyń jańa ıdeıalaryn qoldap, jumyssyzdyqtyń aldyn alýdan bastalady.  

Aıan SAKOShEV,

«Jastar» ǵylymı-zertteý ortalyǵynyń dırektory