Ońtústik Sýdanda eldiń burynǵy vıse-prezıdenti Rıek Mashardy jaqtaýshylar Bor qalasyn basyp aldy. Bul týraly ITAR-TASS habarlady.
Jergilikti BAQ ókilderiniń aqpary boıynsha, memleket astanasynan 200 shaqyrym qashyqtyqta ornalasqan Bor qalasynda qarýlanǵan ereýilshiler men úkimet áskeri arasynda qaqtyǵys oryn alǵan.
Rıek Mashar shilde aıynda memleket basshysy Salvatore Kıırdiń buıryǵymen otstavkaǵa jiberilgen bolatyn. Ońtústik Sýdan bıliginiń málimeti boıynsha, burynǵy vıse-prezıdentti jaqtaýshylar 16 jeltoqsan kúni Djýba qalasynda memlekettik tóńkeris uıymdastyrmaq bolǵan.
Sársenbi kúni memleket basshysy Salvatore Kıır Rıek Masharmen kelissóz júrgizýge daıyn ekenin málim etti. Al eks-vıse-prezıdent jaqynda oryn alǵan oqıǵanyń memlekettik tóńkeris uıymdastyrýǵa baǵyttalǵan áreket emestigin alǵa tartty. «Bul tóńkeris emes. Djýbada bolǵan oqıǵa áskerı bólimshelerdiń arasyndaǵy túsinispeýshilikten týyndaǵan. Salvatore Kıır memlekettik tóńkeris uıymdastyrylmaq boldy degen jala jabý arqyly menen qutylǵysy keledi», – dedi ol.
Aıdar О́risbaev.
Derekkóz: Itar-tass.com
Foto: Itar-tass.com