Qazaqstandyqtar adamdardy túsi boıynsha jikteıtin biryńǵaı bazaǵa engizýge qatysty jańalyqqa narazylyqtaryn bildirdi, dep habarlaıdy Egemen.kz
SDIAО́M baspasóz qyzmetiniń derekteri boıynsha, adamdardyń epıdemııalyq ahýaly jónindegi aqparat «Ashyq» qosymshasynda kórsetiletin bolady. Atalǵan qosymsha Sıfrlyq damý, ınnovasııalar jáne aeroǵarysh ónerkásibi mınıstrligi Densaýlyq saqtaý mınıstrligimen birlesip ázirlegen.
Atap keterligi, mádenı oryndarǵa nemese mekemelerge barý úshin arnaıy QR-kodty skanerlep, kireberiste kórsetý qajet. Baǵdarlama qyzyl, sary, kók jáne jasyl tústerge bólinetin táýekel dárejesin kórsetedi.
Qyzyl – qozǵalysty shekteý jáne ambýlatorııalyq baqylaýdaǵy adamdar úshin úıde oqshaýlaýdyń qatań rejimin saqtaýdy bildiredi.
Sary – qozǵalysty ishinara shekteý boıynsha naýqas úıden oqshaýlaý rejimin saqtaı otyryp, sondaı-aq 500 metrden aspaıtyn azyq-túlik jáne turmystyq zattarǵa arnalǵan dúkenderge jáne dárihanalarǵa barýǵa ruqsat etiledi.
Kók – PTR-test derekteri mindetti bolatyn jerlerden basqa (mysaly, áýejaıda) qozǵalysqa eshqandaı shekteýler joq.
Jasyl qozǵalysta eshqandaı shekteýler joq ekenin bildiredi. Sonymen qatar derekqorda jasyl tústi paıdalanýshylar COVID-19 teris nátıjesi bar jáne PTR-testileýden ótken adam retinde kórsetilgen.
Jańa baǵdarlama jeke kásipkerlerge óz qyzmetin jalǵastyrýǵa jáne kelýshilerge qaýip tóndirmeýge múmkindik beretindigimen túsindiriledi.
Aıta ketsek, smartfon bolmaǵan jaǵdaıda úı-jaıǵa kirýdi baqylaıtyn qyzmetkerler úshin qosymshada arnaıy fýnksııa bar. Ol kelýshilerdiń JSN-in tekserý nemese jeke kýálikte ornalasqan shtrıh kodty skanerleý arqyly júzege asady.
Muny Qazaqstannyń barlyq aýmaǵyndaǵy qoǵamdyq oryndarǵa (SOO, dúkender, meıramhanalar, dámhanalar, vokzaldar, áýejaılar jáne t.b.) kirý úshin josparlap otyr.
Aıtolqyn MYRZAKARIM