Pavlodar oblysynda habar-osharsyz joǵalǵan reseılik psıhıkalyq densaýlyq ortalyǵynan tabyldy, dep habarlaıdy Egemen.kz IIM baspasóz qyzmetine silteme jasap.
– 28 qańtarda Pavlodar qalasynyń polıseılerine qonaq úılerdiń biriniń ákimshisi júginip, atalǵan qonaq úı turǵynynyń 26 qańtarda bólmesinen shyǵyp, joǵalyp ketkenin habarlady. Atalǵan fakt boıynsha baǵdarlar dereý barlyq aýmaqtyq bólimshelerge jiberildi. Joǵalǵan adam qońyraýlarǵa jaýap bermegendikten, jedel ýákilder izdeý sharalarynyń barlyq keshenin ótkizdi. Polıseıler er adamnyń 2020 jyldyń 18 jeltoqsanynda qaıtys bolǵan anasynyń páterin satý maqsatynda Reseı Federasııasynyń Týla oblysynan Pavlodar qalasyna kelgenin anyqtady. Jeltoqsan aıynyń sońynda páterdi satqan er adam páter satqan aqshasyn bankke salǵan, – dedi Pavlodar oblysy Polısııa departamenti Krımınaldyq polısııa basqarmasynyń bastyǵy Balǵabaı Qaparov.
Ári qaraı ótkizilgen jedel-izdestirý is-sharalarynyń nátıjesinde Pavlodar oblysy Polısııa departamentiniń Krımınaldyq polısııa basqarmasynyń qyzmetkerleri Reseı Federasııasy azamatynyń oblystyq psıhıkalyq densaýlyq ortalyǵynda em qabyldap jatqanyn anyqtady.