Batys Qazaqstan oblysynyń ortalyǵy – Oral qalasynda 13 myń tonna astyq urlady dep aıyptalǵan elevator basshylaryna qatysty sot úkimi shyqty. Bul týraly «Astana» telearnasy habarlady.
«Poıma» astyq qabyldaý kásipornynyń burynǵy dırektory Málik Imanǵalıev 2012 jyldyń sáýir aıynan bastap óz qoımasynan belgisiz adamdarǵa bıdaı berip otyrǵan. Onysy azdaı, joq astyqty qujat júzinde bar dep kórsetip, bıdaıdy saqtaǵany úshin aı saıyn «Azyq-túlik kelisim-shart korporasııasy» aksıonerlik qoǵamynan qarajat alǵan. Osynyń negizinde atalǵan aksıonerlik qoǵamǵa 601 mln.teńge shyǵyn kelgen. Sot bul olqylyqtyń oryn alýyna jol bergen «Poıma» astyq qabyldaý pýnktiniń quryltaıshysy Murat Jarkeevtiń múlkin tárkilep, 7 jylǵa sottady. Sondaı-aq M. Imanǵalıev te 7 jylǵa temir torǵa qamaldy.
Aıta keteıik, Murat Jarkeevtiń ústinen budan bólek taǵy birneshe qylmystyq is qozǵaldy. Ol qyzmet babyn asyra paıdalanyp, kóktemgi dalalyq jumystarǵa bólingen 339 mln. teńgeni jymqyrǵany úshin aıyptalýda. Baqytbek Keneshuly.
Derekkóz: «Astana» telearnasy.
Foto: Ukr apk.