Sochıdegi olımpııalyq nysandar jarystan keın oıynhanalarǵa aınalýy yqtımal. Bul týraly Utro.ru habarlady.
Sochıdegi Olımpııa oıyndary aıaqtalǵan soń, jarysqa arnalǵan qurylys nysandary oıynhanalarǵa aınalýy múmkin. Reseıdegi bank qaýymdastyǵynyń ókilderi premer-mınıstr Dmıtrıı Medvedevpen kezdesý barysynda osy jolmen olımpııalyq nysandardyń qurylysyna atsalysqan ınvestorlardy qoldaýǵa usynys bildirdi.
«Kommersant» gazetiniń aqpary boıynsha, premer-mınıstr arnaıy komıssııaǵa bank qaýymdastyǵy usynǵan máseleni qarastyrýǵa tapsyrma berdi. Alaıda, úkimet basshysynyń baspasóz hatshysy kezdesý nátıjesi boıynsha oıyn alańdaryn qurý jóninde eshqandaı tapsyrma berilmegenin alǵa tartty.
2009 jyly Anapanyń soltústiginde «Azov-Sıtı» atty zańdy oıyn aımaǵy ashylǵan bolatyn. Bul óńirde odan basqa taǵy úsh oıyn aımaǵy bar. Kezinde Reseı ónerkásip qojalary men kásipkerler odaǵynyń basshysy Aleksandr Shohın bulardyń bárin Anapadan Sochıge aýystyrý jóninde usynys bildirgen bolatyn. Alaıda, gýbernator Aleksandr Tkachev bul usynysty qabyldamady.
Aıdar О́risbaev.
Derekkóz: Utro.ru
Foto: Asartplay.com