Esep komıteti Sport jáne dene shynyqtyrý agenttiginiń 18,8 mlrd.teńgeni zańsyz jaratqanyn anyqtady. Bul týraly Esep komıtetiniń resmı saıty habarlady.
Tekserý kezinde jappaı sportty damytý jónindegi normatıvterdiń ázirlenbegeni anyqtalǵan. Jalpy, elimizde balalar men jasóspirimderge arnalǵan 477 klýb jumys isteıdi.Oǵan kelýshiler sany – 64 myń adam. Sondaı-aq 139 JOO-nyń tek 56-inde ǵana sporttyq klýbtar bar, al 83-inde sport seksııalary jumys isteıdi.
Respýblıka boıynsha sport bazalarynyń jetispeıtindigi, olardyń materıaldyq-tehnıkalyq turǵydan nashar jabdyqtalǵany anyqtaldy. Munan ózge, jańadan salynyp jatqan sport nysandarynyń paıdalanýǵa berý merzimin buzý, ınvestısııalyq jobalardyń smetalyq qunyn ulǵaıtý jáne oryndalmaǵan jumys kólemi úshin aqy tóleý faktilerin áshkereledi.Sport salasyndaǵy joǵary bilikti mamandardyń tapshylyǵy da ózekti másele kúıinde qalyp otyr. Osy sala boıynsha Esep komıteti jalpy somasy 18,8 mlrd. teńgeniń zań buzýshylyǵyn anyqtap, jaýapty tulǵalarǵa olqylyqtyń ornyn toltyrýdy mindettedi.
Baqytbek Keneshuly.
Derekkóz: Esep komıteti
Foto: vita marg