Italııanyń Trentıno qalasynda ótip jatqan qysqy Ýnıversıadada hokkeıden Qazaqstan quramasy AQSh komandasyn 5:1 etip utyp, fınalǵa shyqty. Bul týraly Vesti.kz tilshisi habarlady.
Esepti 8-mınýtta qazaqstandyq Aleksandr Shın ashty. Ol Aleksandr Lıpın men Leonıd Metalnıkovtiń pasyn jaqsy paıdalandy. Ekinshi kezeńniń debıýtinde Metalnıkov pen Shın bergen shaıbany Evgenıı Rymarev saldy. Úshinshi jıyrma mınýttyń basynda Rymarev dýbl jasady – 3:0. Budan keıin 42 sekýndtiń ishinde eki shaıba tústi. Aldymen Shon Merfı bir shaıbanyń qarymtasyn qaıtardy. Sosyn Lıpın esepti 4:1-ge jetkizdi. Al AQSh qaqpasyna salynǵan besinshi goldyń avtory Nıkıta Kovalev boldy. Ol negizgi ýaqyt bitýge 7 mınýt qalǵanda 5:1 degen esepti bekitip berdi.
Eske sala keteıik, jartylaı fınaldyq kelesi jupta Kanada men Reseı stýdentteri bettesip, «úıeńki japyraqty eldiń» jigitteri 2:1 esebimen basym tústi. Endi búgin, 21 jeltoqsan kúni fınalda Qazaqstan jáne Kanada komandalary ushyrasady.
Bul komandalar 2011 jylǵy Ýnıversıadanyń jartylaı fınalynda bir-birimen kúsh synasqan eken. Sonda kanadalyqtan 3:1 etip jeńip ketipti. Bul joly qalaı bolatynyn muz ústindegi kelesi shaıqas sheshedi.
Damır Qojamqul.
Derekkóz:Vesti.kz.