Keshe Astanada Kedendik Odaq jáne Biryńǵaı Ekonomıkalyq Keńistik aıasyndaǵy elderdiń Ortalyq bankteri basshylarynyń osy qarjy uıymdarynyń valıýtalyq saıasaty boıynsha altynshy Konsýltasııalyq keńesi ótti. Oǵan elimiz Ulttyq banki tóraǵasy Qaırat Kelimbetov, Reseı Federasııasy Ortalyq banki tóraıymy E.Nabıýllına jáne Belarýs Ortalyq banki tóraıymy N.Ermakova qatysty.
Keshe Astanada Kedendik Odaq jáne Biryńǵaı Ekonomıkalyq Keńistik aıasyndaǵy elderdiń Ortalyq bankteri basshylarynyń osy qarjy uıymdarynyń valıýtalyq saıasaty boıynsha altynshy Konsýltasııalyq keńesi ótti. Oǵan elimiz Ulttyq banki tóraǵasy Qaırat Kelimbetov, Reseı Federasııasy Ortalyq banki tóraıymy E.Nabıýllına jáne Belarýs Ortalyq banki tóraıymy N.Ermakova qatysty.
Basqosýda osy elderdiń qarjy naryqtaryn retteý boıynsha ultústilik organnyń qurylýy jáne Kedendik Odaq pen BEK quqyqtyq-kelisim bazasy boıynsha máselelerdi úılestirý jaılary talqylandy.
«Otyrysta biz bir-birimizdi ishki baǵamdyq, valıýtalyq jáne qarjylyq-nesıelik saıasattaǵy ózgerister jaıynda habardar ettik. Jalpy, elderdegi ekonomıkalyq ósimderdiń múmkindikteri jóninde jáne ınflıasııa boıynsha aqparat almastyq. Sondaı-aq, rezervter jaǵdaıyn da qarastyrdyq. Bıylǵy Ulttyq banktiń jıyntyq rezervi Ulttyq qordyń qarjysymen birge 93 mlrd. AQSh dollarynan assa, jýyq arada bul kórsetkish 100 mlrd. AQSh dollaryna jetpek», – dedi jıynnan keıin jýrnalısterge suhbat bergen Ulttyq bank tóraǵasy Qaırat Kelimbetov. Sonymen qatar, ol bıyl elimizdiń ekonomıkalyq ósimi 6 paıyzǵa jetip, al ınflıasııa kórsetkishi 5 paıyz mólsherinde qalyptasatyndyǵyn da aıta ketti.
Konsýltasııalyq Keńestiń jetinshi jıyny keler jyldyń alǵashqy toqsanynda Reseı Federasııasynda ótkiziledi dep kútilýde.
«Egemen-aqparat».